A poituk hringhrang ko kan laimi chung in thih lonak thawngpanng kan thei ahhin cun lung a fak hrim ko mu.Minung kan  nunnak hi cu minmei bantuk menmen kan si zia hi. Delhi i ralzaam dirhmun in kum tampi khua a sami Nungak Mang Thluai Cin nih tuzing zinglei 4:30 am hrawng khan Delhi sizung ah ruahlo tuk in mual a kan liam tak. Mang Thluai Cin (Thluaipi) hi Lai lei atu an umnak khua hi Khampat a si. Annih hi Delhi ah kum sau ngai ralzaam dirhmun in khua a sami a si. Australia lei auhnak zong an tlamtling cang i a kal dengmi an si. Asinain tubantuk in ruah lo tuk in a kan thihtak hi a si. Tu bantuk caan te i mual a kan mi liam tak hi a fak ngai ngai.

 

A thihnak a ruang tak hi ruak lak nak i a kalmi vemi nih a chimi ning ah ‘ a BP thi rang a tlawm tuk i, si tha tak tak pek zong ah rian a tuan ti lo,a hlan a zawtnak a kal lei kha cu a si lo, asinain a zaw pahmi a si caah aa pehtlai ko lai, tulio zawtnak cu a si lo’ tiah a chim.. Asinain Thluaipi hi a hlan tein a rak dam lo pahmi a si. Tutan ah ruahlo tuk in mual a kan liam tak cu kan khuaruah a har i a lau zong kan lau. Thluapi vawleicung hi a mak tuk e.Thluaipi hi mi kawm nuam, hawi tampi a ngeimi a si. Nu fel le biaknak lei zong ah bochan ngaimi a si. Chungkhar hna Bawipa nih daihnak pe se law hnem ko hna seh! RIP, A ruak hi khampat lei ah tlunpi dingin timhtuah cuahmah a si. Manipur lei luh khawh lo zong ah aizawl lei tal in luhpi dingin timhtuah a si. Bawipa tu nih lam hruai ko hna seh.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi cu a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha