Atu bantuk in thihnak thawng kan theih cu ngaih a chia hringhran ko mu, kan Nu le kan pa le hna nih mual a kan liam tak hi cu afak hringhran ko, Mah khua ram a si lo mi hna i kan thih hi cu thinlung cu a nuam kho ruam lo ee. Asi nain zumtu mi cu kan umnak vawlei hi cu kan khual tlawnnak a si ko caah khua zei kan thih zongah amah Pathian zum bu tein kan thih ko ahcun kan i ruahchan mi a khat ko. Cu caah kan U Lian Lian Nu hi Pa Pathian nih amah sinah a kan lak piak cang, Amah he zungzal in a um cang lai.

Atu kan u Ni Vang (Lian Lian Nu) a kan liam tak mi hi USA Buffalo ah a um mi a si tiah thawng kan theih ning a si. Laitlang a khua cu Lautu, Hnaring khua mi a si. Amah hi mual a kan liam taknak a ruang bik cu a thluak ah thi a lut i, ECMC Hospital ah US Local suimilam caan 2:30 Pm ah mual a kan liam tak hi a si tiah thawng kan theih hi asi. Bawipa tu nih kaltakmi chungkhar hnemhram ko hna seh.

Lian Lian nu cu na thawng Ka vun thei cu ka lau tuk ee , zei thawngpi dah asi ย mah cu, Zeitik tha mu ngaihchiat tahnak harnak lung retheih vansang um tilo nak ram ah lung siaherh lo tein va kal ko kun mu ย Note, zangfahnak tein hi thawng hi update kan tuah than ding a si caah Website ah copy tuah rih lo ding a si lai.

Theihtlai relchap ding<< Fa Le A Hrawk Bik Tu Hi Nu Le Pa An Si: Nu le pa nih kan fa le kan dawtnak hna an theih khawhnak ding ahcun kan lung a sau a herh i lungsau taktak in kan cawn piak hna awk an si. Nangmah nih ka Fa kan dawttuk na ti lengmang mi nakin na fa nih ka Nu Le Pa nih an ka dawt ko timi a theih a herh deuh. Cheukhat Nu le Pa cu: kan fa le a hro phun le a sik phun lawng tein kan chawnh biak hna tikah Fa le nih an kan ttih tuk i kan cawnpiak nak hna hmanh an i cinken kho lo.

Ngakchia cu an pum a tthanmi nakin an thluak a tthan ning a ran deuh tikah an duh mi le an huam mi a tam. Theih an duh mi le cawn an duh mi zong a tam. Cu tikah Nu le Pa nih thazaang pe loin na tuah kho la lo na cawng kho la lo tiin an thazaang dernak dingin kan chimh/chawnh hna. Mah bantuk bia si loin, ka Fa i zuam kan cawnpi lai kan dirpi lai na thluakttha tuk, teinak na hmuh hrimhrim lai, Pathian sinah Bawmh nak hna kan hal lai i na tuah khawh lai na cawn khawh lai tiin thazaang kan pek hna awk an si.

Nu le Pa nih kan Fa le kan cawnpiak tik hna ah zeibia dah kan hman lai, i zei bantuk dah a duhphun a si, hro maw a duh nemte chimh maw a duh timi hi kan ruah awk bak a si. Na Fa kha a sikin si hlah, Nemtein chawn law a duhnak zulh piak hmasa, cuticun na duhning khan cawnpiak ve hmanh 100% ah 99% cu a zulh lai.

Kan Fa le kan dawtnak hna hi kan mah lawng nih kan theih. Cu nakin a biapi deuh mi cu Fa le nih hin Ka Nu Le Ka Pa nih an ka dawt bak ko timi an theih a biapi deuh cang. Note: A zulh awk a simi lam kha ngakchia cu cawnpiak law, a upat tikah mah cucu a pialtak ti lai lo.PHUNGTHLUKBIA 22:6. By Job Lian Cin Thawng

By Chuncha

Leave a Reply

Your email address will not be published.