Atu bantuk thihnak thawngpang kan theih cu ngai a chia kho taktak. Kanmah duh cu sisehlaw kan nung pi rih ko law tiah tlaih awk tha sehlaw a vat ha hnga mu. Hringtu pa le nih chungkhar vung kaltak hi cu tuar a har ko, chungkhar pa cu zei bantuk minung hmanh khi si uhsihlaw a kan hringtu pa a si caah amah bantuk pa hmuh khawh a si ti lo ruangah le kan hmuh than khawh ti lai lo caah tuar a fak khunnak hi a si.

Taksa thihnak cu zungzal in i then kha asi ko cang caah minung tampi abik in kanmah Laimi nih cun kan tuar khun, zeiruangah ti ahcun dawtnak le i tlaihchan khunnak i pehtlainak hri a thuk tukmi kan ngei caah kan in siang lo i, chantlung tiang i nungpi rih uhsih ti hi kan duh cio mi a si. Amah belte zumtu kan rak si hi mi vantha taktak cu kan si. Minung taksa cu a thi hrim kan si caah kan thih tikah Pa Pathian a kan sertu sinah zungzal thihnak a um ti lo nak ramah amah he kan um lai timi nih hin hna a kan ngam ter ngaingai mi a si. Cu caah kaltakmi chungkhar nih a kan hringtu kan pa cu a sertu kan Biak Pathian sinah a kal chung cang timi thazaang thar tu he kan ngaihchiatnak i hnem hram hna uhsih.

Atu a kan liam mi hi Georgia Chin Baptist Church USA ah a kan liam tak hi a si. Laitlang a khua hi Vomkua a si tiah kan theih ning a si. Khrihfa bu lei nih hi ti hin mual a kan liam taknak kong an langter ning cu a si. Kan bu, kan member a si mi Pu Cung Thawng (Bawi Hnem Pa) nih 09/26/2020 ah a kan liam tak. Rest in peace.

Ngaihchiatnak a tuarmi chungkhar rualchan nan dihlak, nan ngeihchiatnak khrihfabu dihlak nih kan in ngaihchiat pi hna. Ruakthlah ni le caan cu kan rak in thanh than te hna lai. Thawngtheihnak: Georgia Chin Baptist Church

Thawngpang dang>> White House i Rose Garden ah republican senator cheukhat le mi tlawmpal hmai ah president Donald Trump nih rak ruahning bantuk in Amy Coney Barrett cu Supreme Court i chantlung biaceihbawi caah aa thimmi a fehter.

Amy C. Barrett cu Roman Catholic a si pinah Conservative a si caah Supreme Court cu Conservative asiloah phungdang in chim ahcun Republican party politics a dirpimi, an politics he aa tlak in upadi aย let, a thal le bia a ceih ding a si cang lai.

Senate ah Senator 100 an um i Republican 51, Democrat 47 le Independent 2 an um. President nih a kut tang rianttuan ding ah a duhmi paoh a thim khawh hna nain Senate nih an hnatlakpi a hauh caah amah party pawl an tamdeuh a si ahcun a duhmi a tling (peng). Cucaah tutan zong a saduhthah tlin dawh a si ko.

Amy C. Barrett hi kum 48 lawng a si rih i a thih hlan lo a duh can ttuannak nawl a ngei lai, an thim ahcun. Cun kum saupi chung cu Republican lei duhnak deuh in bia a ceih ding Conservative Biaceihbawi an lal lai tinak a si.

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha