US ram, Texas state i Forth Worth khua ah a um Kawlrammi pa pahnih cu Zarhteni (October 10) zingka ah an ruak in an hmuh hna. Mi nih an thah hna tiah zumh asi.Karen miphun an si. An thah hna hnu ah an ruak cu mei in an khangh rih, an thah hna ning a chia ngai.

Zarhteni zingka 8:45am hrawngah Snay Gay, kum 27 ruak cu 1000 block Echo Lade Drive ah minu nih a hmuh i 911 a chawnh.“Ruak cu mei nih a rak kangh cuahmah. Lam ka kal lio ah ruah lo piin ka hmuh i 911 ka chawnh,” tiah a chim.Suimilaam 2 hnu ah Za Nay Htoo, kum 23 ruak cu meng 3 hrawng aa hlatnak West Felix Street um 1100 block i inn kar lam ah an hmuh ve.

A ruak an hmuhnak hi a inn he meng 2 hrawng aa hlat.“Ka chungkhat nih ruak cu a hmuh i keimah nih 911 ka chawnh. Ruak cu hruang pawngah a boktakhup in a rak um. Bawngbi tawi le shirt angki aa hruk. Mei kanghnak a um,” tiah 911 a chawntu nu nih a chim.

Zeitin dah an thah hna ti cu an hngal rih lo. Ruak check tu nih an check lio asi.A thattu zong an hngal rih hna lo, zei ruang dah an thah hna ti le a that tu minung an i khat maw ti zong an hngal rih lo. Mithat hlattu palek nih an hlat lio asi.Credit: TCE News

Thawng hlun relchap>>> Democrat pawl nih teinak kan hmuh lai tiah an chim tawnnak Florida State ah polls thar bik an langter mi nih Democrat pawl a lauter bak ko cang. Democrat/Joe Biden pawl nih polls ah Trump nih a tei caah Florida state thawngpang cu a linsa ngai.

Democrat Presidential Candidate Joe Biden nih November 3 ah President thim a si a cun Roe v. Wade/Abortion cu phunlam/law ah hmang a si khawh nak ding caah rian ka ttuan lai tiah fiangtein a chim cang. Mah bantuk in Joe Biden nih LGBT, Gay etc hna cu a lawmter ngai.Natein mah bantuk in Joe Biden nih nau hrawh khawhnak phunlam cu ka ser lai tiah a chim mi nih Pro-lifers pawl lungthin a fakter ngai. Mah bantuk hi pro-lifers pawl nih an duh lo bik pakhat a si.

Former NFL player Benjamin Watson le pro lifer pawl nih Joe Biden cu ceilak in an soisel, “Joe Biden le Democrats, minung nunnak zong zeihman ah a rel lo mi, American pawl tthen a duh tu mi a si tiah an phomh.Pro-lifers pawl nih an tih bik mi cu, Abortion law hi Supreme Court ah law puitling in a tuah sual lai ti an tih ngai. America ram ah hin right le freedom hmangsual mi an tam tuk cang.

America ram ah Pathian zei a rel lo mi an tam tuk cang.Insider advantage nih polls thar bik an langter mi ah, joe Biden nih President Trump cu a tei lo ngai, Pollster Matt Towery Sr nih Sunshine State ah hin POTUS (President of the United States) nih 3 points in hma a hruai lio a si tiin a chim.Insider Advantage polls thar bik an langter ning a cun, president Trump 46% a si i, Former Vice President Joe Biden 43% a si. Jo Jorgenson nih 1% a hmuh ve i, Undecided/Mo Oponion ah 10% a si. Kum 2016  polls zongah Republican candidate support nak an langter mi a tlawm ngai. Towery, founder of InsiderAdvant

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha