Zualko: U Myo Min Tun (Kum 44) Nihin Lam An Zawh Lio Ah A Nunnak A Liam

Zualko: U Myo Min Tun (Kum 44) Nihin Lam An Zawh Lio Ah A Nunnak A Liam

U Myo Min Tun a thi. ပဲခူးမြို့ Bago CDM cawlcanghnak ah aa tel mi Tlanglawng power/Electric mei Zung riantuan, kum 44 a si mi U Myo Min Tun cu lam an zawh lio ah ruahlopi in a lungmit i a tlu i. Tlawmpal ah a thi cawlh. Ram caah nunnak a pek. thih cio cio zongah a sawh sawh in nunnak liam nak in ram le miphun caah a pum a pek lio ah a nunnak a liam ti hi man a ngei mi a si. CDM thawn chin seh. mipi nih kan duhmi teinak um chin hram seh. #7Day News

 

May be an image of one or more people, crowd and outdoors

𝐌𝐲𝐚𝐧𝐦𝐚𝐫 𝐑𝐚𝐥𝐤𝐚𝐩 𝐂𝐮𝐧𝐠𝐚𝐡 𝐅𝐚𝐚𝐤 𝐍𝐠𝐚𝐢𝐢𝐧 𝐊𝐮𝐭 𝐓𝐡𝐥𝐚𝐚𝐤 𝐝𝐢𝐧𝐠𝐢𝐧 𝐔𝐒 𝐒𝐞𝐜𝐫𝐞𝐭𝐚𝐫𝐲 𝐨𝐟 𝐒𝐭𝐚𝐭𝐞 𝐁𝐥𝐢𝐧𝐤𝐞𝐧 𝐧𝐢𝐡 𝐁𝐢𝐚𝐤𝐚𝐦𝐡𝐧𝐚𝐤 𝐚 𝐓𝐮𝐚𝐡: WASHINGTON (Reuters) – Ralkap nih duhlonak a langhtertu mipi cungah fahnak a tlunter caah an cungah faak ngaiin kut thlaak dingin biakamnak ka tuah cang, tiah US Secretary of State Antony Blinken nih Sunday ah khan a chim. Duhlonak a langhtertu minung 2 ralkap nih thi lakin an kah hna thawngpang a theih hnu in a tu bantukin biakamnak a tuah hi a si.

Mipi nih CDM cawlcanghnak an kalpinak hi zarh 2 lenglo a si cang nain, nihin tiangah ralkap lei nih mipi a kham kho rih hna lo. Feb. 1 i uknak nawl an lakmi mipi kutah khirh than dingin le Preident le Suu Kyi a rannak in chuahpiak hna dingin mipi nih duhlonak an langhter.

“Democratic phungningtein thimmi cozah kut ah nawlngeihnak ap than dingin duhnak a langhtertu Burma mipi hna an cung i fahnak a tuahtu paoh cu US nih pehzulhtein nun a chimh ve ko lai,” tiah Blinken nih Twitter ah a tial.

May be an image of 1 person and standing

“𝗕𝘂𝗿𝗺𝗮 𝗺𝗶𝗽𝗶 𝗸𝗮𝗻 𝗶𝗻 𝗱𝗶𝗿𝗽𝗶 𝗸𝗼 𝗵𝗻𝗮,” 𝘁𝗶𝗶𝗻 𝗮 𝗰𝗵𝗶𝗺. Acting Preident le a dang ralbawi tampi cung i US nih phihkharnak a thar in a tuah hnu ni 10 a rauh hnu ah a tu bantukin State Secretary nih nunchimhhrinnak tuah chinchin dingin biaka a thlah hi a si. Myanmar defense minister le jade le gems company 3 telhchih in, civil cozah nih a ukmi Myanmar a buaitertu hna an cung i phihkharnak tuah cu President Biden zong nih hna a tlakpi hna.

Tutan nawllaknak a thihruaitu, tiah sual an phawtmi ralbawi nganbik 2 hna an cung zongah US treasury department nih phihkharnak thar an tuah chap, tiah theih a si. “Daitein duhlonak a langhtertu hna cung i fahnak an tuah chap a si ko rih ah cun, nihin i an cung i phihkharnak kan tuahmi hi avoikhat kan cawlcanghnak lawng a si, ti hi ralkap nih nan theih te ko lai” tiah Feb. 11 lio i phihkharnak ca an thanh lio ah US Treasury Secretary Janet Yellen nih ralrinpeknak bia a chim chap. https://www.google.com/…/mobi…/article/amp/idUSKBN2AM056 Credit: Chelsea Bawi

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

Leave a Reply

Your email address will not be published. Required fields are marked *