Maw minung kan nunnak a tawi zia hi aw, ngaih achia hringhran ko, kan unau hna a tuzan suimilam 9;00 Pm hrawng ahkhan Hunthar Sang i lam a tlak niamnak ah Truck le Scooty an i su (Ttiah) sual i Motor Cycle a citmi hna pa 2 hna cu Truck nih hin a rial chih hna i a hmun ah a phawrhmi nu cu a nunnak a liam cawlh tiah thawng theih asi. Pa tu hi hliam fak ngaingai a tuar i siizung ah an kalpi cawlh tiah theih a si.

Pa hi Khawzawl lei mi Zodingliana a si tiah thawng a latu nih a chim i, a phurtu nu hi Lunglei Zohnuai lei mi a si tiah theihmi cu a hmun ah a nunnak a kan liam tak mi a si tiah an chim. Zodingliana hi zei hmanh nikhua theih lo in a um lio a si caah Oparetion an tuah cawlh lai tiah thawng latu sinin theih asi. Kaltak mi hna cungah Bawipa tu nih in tuar zia thiam ter ko hna seh. Cun Siizung ah lungfim lo in a um lio mi ca zongah bawipa nih damnak pe hram ko seh. Ref: Maveni Khiangte

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmiā€ caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha