Apoi tuk hringhran ko mu, Hringtu kan pa le hna nih mual akan liam tak hi cu tuar a fak ko mu. Thihnak hi mah duhbang si lo I, tar le ngakchia no thluk loin Pathian nih kanmah le caan a zat tikah amah sinah a kan lak ko. Zumtu mi a nung rihmi nih mah hi kan I fiang ngai ngai ahau. Pathian nih nun a kan zuah caan tawi teah amah zumhnak ngeih le kan thih tikah amah tangpawngah um akan duhtu a si caah ready tein um hi a kan duh piak mi a si. Kan pa zong Amah Pathian sinah lunglawmh tein a kan kal cang mu. Taksa a nung mi kan si bantuk in vawlei cungah hringtu pa he I then cu a fak bak ko. Kaltakmi vialte Bawipa tu nih intuar zia in thiam ter hram ko hna seh.

Sgt. Nung Lian nih tu zing 11 Am ah ruah lo pi in mual an kan liam tak.TlangRua khua mi asi a nau le Pu ThangRem.Rev Ram Er i an u asi. a thih ning cang voksa hrawm thah an i timh nak ah a tlu i mah hngal lo in si zung ah an tlik pi ko nain an kan liam tak e.Credit: Chanlian

Thawngpang dang relchap ding<<<Atu lio social media ah ceih le chim asi ngai mi Nawi Dam saknak kong he pehtlai in Salai Tialbawiling nih cun a mah hmuh ning le sining cu tang lei bantuk in a chim. Dam pakhat sak tik ah hlathlainak ṭha tein tuah hmasa hi a biapi mi thil asi. Kawl ram sining ah cun atu tiang ah ningcang tein hlathlainak tuah i Dam sak timi hi cu a tlawn ngaingai rih. Ningcang tein hlathlainak ah cun Environmental Impact Assessment, Social Impact Assessment, Health Impact Assessment le Economy Impact Assessment .tbk hi biatak tein tuah a hau leng ah humhimnak phung pawl zong tuah le ser a hau mi asi.

Atu bantuk Nawi ti kan kham lai timi hi nihin lawng ah a chuak mi kong asi lo, kha hlan kum 4/5 ah khan rak ruah le ceih asi. Ram ṭhangcho pawl nih cun Dam sak hi tha an pe tuk ti lo a ruang cu thil ṭha nak in thil sual a chuah pi a tam deuh. Dam saknak thawng in din ti, mei tha le cinthlaknak caah a herh mi ti…tbk kan hmuh lai tiah ruah asi ko nain kha nak in har nak a chuah pi mi tam deuh. Cu caah Nuclear le a dang sustainable energy lei tu ah an i mer. Atu bantuk Nawi Dam sak timh mi kong he pehtlai in (1) Hakha cu vawlei nem mi asi (Kum 2015 mincimh kan rak tong bal cang mi asi). Cu tik ah khamh timh mi ti tha cu vawlei a nem nih a derh kho dih lai lo.

(2) Chin ram uknak hi Democracy taktak hmuh asi rih lo. Atu Chin rak uktu pawl hi Lai mi cu an si ko nain an rak ratnak lamtluan hi Socialist chan, Ralkap cozah …tbk ah Cozah rianṭuan dih hnu in Ram rian a ṭuan mi an si, Ram kip ah mi thiamsang tampi a cawng lio tu mino tampi an um Kan ram nih ṭhangthar mino ruahnak deuh a herh. Nawi Dam sak timh mi he pehtlai in dothlatnak ṭha tein tuah asi maw? Myanmar ram ah Dam sak mi thawng in a ṭhangcho tuk mi khua le ram aum maw? A fiangbik ni tahchunnak ah; Timit ti kan kham lai i Hakha din ti kan khim lai tiah a luan cia caan ah ser le tuah asi. Tangka tampi dih le thazaang tampi pek in rak ṭuan asi nain zei a chuak lo.
Cu ve bantuk in Nawi Dam sak timh zong hi Chun mang sawhsawh si lai. Party minthangnak, mah min ṭhatnak le mah ṭhutdan feknak menmen lawng asi ah cun hmailei ah kan ram le kan miphun kan mualphoh sual lai. Ka lawm.

(Salai Tialbawiling hi Myanmar ram ah BA (English) le Maekhong School, Thailand ah Environmental and Social Science in sianginn a dih mi asi.) aliam cia kum 15 ahhin Environmental researcher in UNEP-Eco peace center South Korea ah Asia-Pacific regions environmental researcher a rak tuah. Enviromental he pehtlai in Asia khua tam nawn ah caan sau rian a rak ṭuan mi asi.Video credit:- Salai Tialbawiling

By Chuncha