Zualko: Pu Van Awi Nih Ruah Lo Tuk In Mual A Kan Liam Tak

Zualko: Pu Van Awi Nih Ruah Lo Tuk In Mual A Kan Liam Tak

Pu Van Awi sin cakuat; February 22,2021 ah na kan liam tak cu zanmangchia bang in kan um. Thinlung, Mitthlam le hnathlam ah na cung than. Nizan ah hme kan i chonh ko cu ka ti. CRDP Dallas kan i ton lio: nangmah kan hngak peng na ka ti. Ka pawng te ah thu peng na ka ti. Nangmah nih na motor in ka phur na ka ti. Na phan cang le ka hnangam na ti. Kan khua na caam lio ah tuzan cu kan riak law na ka ti, zan ih hngal loin bia kan i ruah kha.

May be an image of 4 people, people standing, people sitting and indoor

Nan riantuannak ka zoh duh na ka ti- ka office le kan riantuannak chung ah kan i chawh lio kha… Khua na tlun tikah Khampat ah na rak ka laak lai le keimah he laitlang ah kan tlung ti te lai na ka ti. Lam hlat ah um hmanh sih ruahnak thazang na ka pek mi vialte.. Cim le maak hngal loin khua kong le zei dang dang, phone kan i chonh mi vialte, mitthlam le hnathlam lawng ah maw a um cang ne lai. Parbang na uai mi nih thinghnah khiah bang a kan uai ter tuk mu! Na zuun zei tiang hme kan van tuar lai! Crd: Thawng Za Lin, USA

RIP Ka u Van ( Pu Van Awi – my first cousin) zeititha mu, rak kal chung ko ne law. Ram pumpi buai lio pi ah na kan liamtak cu a poi khun ko e. Bawipa nih taantakmi na tufa vialte hnemhnak nganpi he um pi ko hna seh. By Thawngling Mualhlun

May be an image of 2 people and people standing

Civil Disobedience Movement (CDM) le Lai Peih: 1. CDM cawlcanghnak hi Lai Pei he aalo. Lai Peih ban tuk te in kan peih hna ahau. 2. Lai Peih ah patthawng le patthawng an ni peih ah cun: anthazaang aa khah caah, Vangkhen in cuai riangmang in hliah cukmak tei cu ahar ngai. Cu cah patthawng seh kan peih lai ti asi ah cun; Thachungngerh hman ahau. Thachungngerh hman ah cun atha asau deuh mi le alung atthawng deuh mi le alung asau deuh mi nih tei asi.

May be an image of 2 people and people smiling

Pathumnak. Cu caah, CDM in kan peihmi Ralkap pawl hi, an tha atthawng maw? Anlung tah atthawng maw? Anlung zong asau maw? Vankhen in maw kan cawi hna lai, thachung in dah kan ngerh lai, ti kan theih ahau. 4. Min Aung Hlaing nih atu ban tuk in “Election” ah atei ko mi, Anna (Power) pek duh loin, Ralkap thazaang in Anna Alak (Military Coup) mi aruang bik cu: Attih caah asi. Min Aung Hlaing attih bik mi cu: Rohingya pawl an miphunpi tein ci-hmih (Genocide) ding in, athah anawn hna timi asi.

Panganak. Ralkap nih Rakhiangram ah aum mi Rohingya pawl an ci-hmih ding in an tuk, an thah hna. Cucaah, Min Aung Hliang le ralbawi pawl cu The Hague ah thircingcik khih le hruai in, “International Court of Justice” (ICJ) ah chuah pi ding an si. Cuti an chuah pi tik hna ah, Min Aung Hlaing cu, Milosevic ban tuk khan hri in ahngawng thlai asi ko lai. Cucu, Min Aung Hliang nih attih bik mi asi.

Protests Against Military Govt Erupt Across Chin State | Burma News International

Paruknak. Min Aung Hlaing atu tiang The Hague IJC kal lo ding in akhamh tu cu, Daw Aung San Suu Kyi asi. Atu cu Min Aung Hlaing nih amah akhamhtu lila alei rawi tik ah, atthutnak thing-nge amah nih asaam ban tuk asi. Hiti atuah mi zong hi, Aung San Suu Kyi hi, Min Aung Hlaing akhamh ruang ah Vawleicung pumpi in sawisel atawng. Laksawng an pek cia mi viate zong chuh lengmang asi. Nobel Prize hmanh lakpiak tthan uh, tiah an au. Cu tik, atu Election atei rih ii, 2nd Term ah hin cun, Min Aung Hlaing khamh ti lo in, amah luatnak le mintthatnak lak tthan aa zuam cang lai, tiah ruah asi. Cucu Min Aung attih bik cu mi asi.

Pasarihnak. Min Aung Hlaing nih “Attih” tuk bu in atuahmi thil asi caah, fawi tein angol lai lo. Amah kha hri in hngawngthlai nak cha cun; Kawlram mipi million (50) meisa chung burh kha angam deuh. Cucaah, kan ruah ding cu; Min Aung Hlaing pakhat luatnak caah maw, Kawlram mi muning million (50) meisa chung burh cu kan tuar ko lai? Ka tuar kho lo. Kan doh velai. Amah tu The Hague ah kuat attha deuh.

Pariatnak. Atu CDM kan tuah mi hi, Vawleicung tuanbia ah atthawng bik mi CDM asi. Hinak in atthawng deuh mi, ram pumpaluk mipi ii tel dih ti hi aum bal lo. Ganhdi chan lio hmanh ah India ah hi tluk hin arak tthawng lo. Asi nain, India ah cun, Gandhi hruainak thawng in anlung asau. Anlung atthawng. Anmahnak in atthawng deuhmi British Empire pi an peih ii, achung in atha an ngerh. Lungsau tein, ral ttha tein, achung tha an ngerh ii, ahnu ah cun Lai Peih thachungngerh bang, India nih meithal le hriamnam in atthawng deuh mi British Empire pi cu atei ko.

US imposes tougher sanctions against top Myanmar military officials | The Myanmar Times

Pakuanak. Atu zong, kan lung atthawn, kan lung asau, Lai Peih in Min Aung Hlaing le ralkap hna cu, como le in an chung tha kan ngerh hna ii, kan peih hna ah cun kan tei hrimhrim lai. 10. CDM cu, hriamnam hmang lo in doh mi, non-violence movement asi. Kan Bawipa Zisu Kri nih hriamnam hmang lo tein, Vailamtung aput ban tuk asi. Lungsau tein, thinfual bu tein, hriam le nam hman lo tein, kan thinhunnak zong isum usi law, ding le fel tein kan Vailam kan put ah cun Luatnak le Teinak cu kan hmuh hrimhrim ko lai. Credit: Lian Sakhong

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

Leave a Reply

Your email address will not be published. Required fields are marked *