Apoi hringhran ko. Tu lio kan dirhmun ah hi bantuk in thihnak thawng kan theih cu thinlung a fak ko. Nu le pa le hi a tlom bik kum 80 tal hi cu kan dam pi hna sehlaw cu lung a hmui tawn ko. A zei an tuah khawh lo zongah inn ah an um mi nih khin tam tuk chungkhar a him ter i, huham a ngei ter. Nu le pa thluachuahnak zong fa le caah hmuh saunak a si.

Image may contain: 1 person, sitting

Atu kan pi a kan liam takmi hi kum 81 a si cang i, zei maw zat cu damsaunak a kan hmuh piak i lawmh a um hringhran. Nung rih ko seh ti cu chungkhar nih an duh ko lai nain Bawipa nih a caan a zat cang a ti i a nunnak a kan lak piak cang mi a si ko. A kan liam tak mi hi Pi. F. Tlanghmingliani (Pi Hmingi) kum 81Lunglei khua mi a si.

Nizan Dt 23th. Nov. 2020 suimilam 8:30PM ahkhan Lunglei Civil Hospital ah mual a kan liam tak hi a si tiah thanwg theih a si. Nihin cu a ruak hi an um pi lai i, thaizing khi lunglei Farm veng thlanmual zing 10:00 Am ah vuinak caan an hmang lai tiah theih a si. Athi mi Pi. Tlanghmingliani (Pi Hmingi) kum 81  hi Pu F. Laltuaia far nu a si. (Kaltak mi vialte Bawipa tu nih hnemh hram ko hna seh. Muana Gangte

Thawngpang dang: Tacacuainak an tuah a zarh khatnak chung hmanh ah Trump campaign nih sihni 3 tiang an i thleng manh. Tuesday ah Mr Giulian nih nih leklak tiin a vun zuamhnawh. A pumpaaktein PA i Williamsport ah a ummi Federal District Court ah a vung kal i Mickey Mouse kong le, Chicago mayor thlun Richard M. Daley le Philadelphia mafia kong in biahram a thok.

Saturday i capar in tazacuainak an tialmi ah PA governor Tom Wolf a min spelling a palh fawn. PA pumpi ah le a dang state 9 ah Democratic party nih vote firnak nan tuah, tiin Mr Guiliani nih a bia a thok ko nain, J. Brann nih biahalnak a tuah hnu in cun ai phetchem than i, “Hihi cu keimah ka pumpaak in ka chimmi a si lo. Hihi cu dehhlennak case a si lo,” tiin a bia a leet than.

1,Brann nih biachahnak a tuahmi (nawl a chuahmi) hi capar in cun tlap 37 tlukin a tam i, Trump campaign nih tazacuainak a tuahmi le, “Kan mail-in ballots an rel chih lo,” tiin a chimtu Republican votepetu 2 hna nih an tuahmi tazacuainak cu ning le cang tein a hnonpiak hnanak thatien a tial chih dih.

Hi tluk in hin tehte pakhat te hmanh a um lo bu ko zongah cun election results a khupthal lehpiak dingin Trump campaign lei nih an chimhmi hi J Brann nih ai zumh lei ai zumh kho lo bantuk khi a si. “US ah hin cun votepetu minung pakhat belnen hi kan cohlang kho lo. US ah minung a tamnak bik 6nak a si mi PA ah hin votepetu dihlak in pekter si ko seh. Kan mipi, kan laws, le kan peng le tlaang hna nih tamdeuh riantuan kan hau ko rih,” tiin a chim. Credit: Chelsea Bawi

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor

By Chuncha

Leave a Reply

Your email address will not be published.