October 25, 2021 Nihin zing ah ruah lo pi in Bawipa rian a tuan cuahmah mi Pastor Lal Ram Nghak Kum 61 nih a rian a tuan piakmi Pathian sin ah a kan dinh tak tiah theih asi. Pastor Lalramnghaka hi Tahan B Group ah a um mi asi i, N.P.C.G Khrihfabu ah Pastor rian a tuan mi a si tiah theih asi.

May be an image of 7 people, people sitting and people standing

P.C.G Pastor Lalramnghaka, hi Ebenezar Medical Center, Aizawl ah zohkhenh a si lio mi a si i, ruah lo pi in atu zing ah mual a kan liam tak hi a si. A ruak hi Tahan leiah tlung pi an timh cuahmah i, Tahan ah vui a si lai tiah theih a si. Atu lio hi pulrai a tam lak le Kawlram lei Ral a um lio a si caah tluang tein an phanhpi i an vui khawh nak lai thlacam bawm hna uhsih. Credit; THN

Tunai Thawngpang: Thlanrawn Khua Inn 3 SAC Ralhrang nih an Khangh Than: Nihin chun ah SAC ralhrang pawl cu Falam peng Thlanrawn khua ah an phan tthan i inn 3 an khanghpiak chap hna, tiah thawng kan theih. Khuami pakhat nih, “Taal ah inn an khanghpiak hna timi kan theih i kan khua zong an khangh sual ah tiah vehvat ah kan vung kal cu inn 3 an rak kaang cuahmah.

May be an image of fire and outdoors

Inn khat hmanh kan khamh kho lo,” tiah a chim. SAC ralhrang pawl Falam in Hakha lei an rak kai lei October 14-15 ah Thlanrawn inn 13 an rak khanghpiak cang hna. Credit: The Chin Journal, October 25, Hakha

Breaking News: Hakha in Falam lei a panh mi ralhrang nih Tuni October 25 zing ah Taal khua inn 7 an khangh chap tiah theih a si. an kal nak paoh ah meithal zong an puah len tiah thanwg theih a si. Chuncung zongah inn an khangh i Vok le Ar hna an thah hna ti zong theih a si. Atu hi Taal khua in an langh i, Thlanrawn khua an luh tiah thawng theih ning a si. thacam bawm hna uhsih. khuachia Ralhrang pawl nih inn le lo satil harva hna duh paoh in an tuahto nak hnga lo. Credit

May be an image of tree, sky and mountain

Breaking News: October 23, Hakha in Falam lei ah Kawl Ralhrang cu Mawtaw 50 hrawng le tank le JCB ti in an kal tiah kan theih. Atu hi Hakhathar ah mawtaw 15 hrawng an dir tiah theih a si. October 22 chun tiang kha Tlangzar hrawng ah meithal thawng le bom thawng theih a si peng ko tiah khuami pakhat nih a chim.

Thawngpang dang: Rangoon khualai ah ralkap umnak hmun an kah; ralkap 4 thi: Tuzing (23 October 2021) zinglei khuadei deuh hlan ah PDF – Yangon nih Botataung um Maha Bandula lam cung ah runvennak a tuah mi SAC ralhrang ralkap an kah hna i minung 4 kan thah khawh hna tiah PDF – Yangon nih thawng an thanh. Minung pa 4 an thi. Kanmah lei in a thi mi le aa hliam mi kan um lo. Tlamtling te in hnu kan kir kho,” tiah S21 tiah a min aa sak mi PDF – Yangon chungtel nih Media sin ah a chim.

May be an image of monument and outdoors

Kawlrawn lei PDF pawl hi anmah kumthar (tading-kyut) chung cawlcangh an i dinh hna hi an kumthar a dih in fakpi in SAC ralhrang dohnak thok than ding in timtuahnak an ngei cuahmah cang. An i kah lio zong a duh lo caah Link: https://www.facebook.com/watch/?v=927850248156164 Hmantlak: Rangoon khua chung (Alexander Schimmeck) TCP

Tulio online ca a relmi nih kan hmuh lengmang mi cu, thlarau sual, khuachua fa tete hi an si. Hi thlarau țhalo, khuachia thlarau hna hi online cațial lawngin doh lo in, thlacamtu hna nih biatak tein, thlacamnak hrimhrim in, țem le doh an herh. Chin Miphun kum 70tluk salah a kan chia i nihin zongah kan Miphun hrawh a kan duh i a kan do cuahmahtu hi khuachia nganpi a si i miphun dang kha a hman hna. Cun, kan chanțim hlanah hrawh le PATHIAN he țhen a kan timtu cu khuachia fa tete hi an si i, nal thlarau, zer thlarau, thelh thlarau, ninghngal thlarau, hor thlarau, țhihphaih thlarau, thah thlarau, ritnak thlarau, nahchuah thlarau, huatnak thlarau, remlonak thlarau, simh thlarau, hakkauhnak thlarau, tangka duhnak thlarau, laar duhnak thlarau tibantukin an lang hna i kanmah Chin Miphun lila hi a kan hman i online hi an Camp lian pakhat a si ve.

Upa mino lakah hmuh awkin an hung lang lengmang! Cucaah, kan Miphun lakah lor ngai in a cawlcaang lengmangmi khuachia fa tete, thlarau sual hna hi, nan thlacamnak in rak doh cio u law, rak țeem lengmang hna u. Kanmah le kanmah a kan soitertu, a kan dohtertu, a kan huattertu, a kan remlo tertu hi, hi thlarau sual hna hi an si. Culakah khuachia fate pakhat nih a tukforh lengmangmi inn, unau pa cu, a chanțim hlanah kiak sual lai kaw, cun, PATHIAN he i țhen sual lai kaw, ti ka phan caah, thla ka hun campiak ve. Cu le cangka cu khuachia te cu chiatserh in a la hoi! Voikhat cu ka hun khak! Likmalak lih biain a hun ka kheuh țhan colh ve.

A hmanmi inn, unau pa caah faak deuh le tam deuh in thluachuah van luh halpiak a herh ti kha ka hngalh colh. Khuachia fa te nih lih in a hun ka kheuh caah ka ni! Hell tla ding khuachia fate nih, PATHIAN fapa, ka thlarau cu a tawng kho lo, a chungah KHRIH a nun caah, KHRIH nih a Thisen in a cawkmi inn, unau pa caah thlacam a herh ti kha a hngalh ko. Khuachia, JESUH KHRIH MIN in kan doh. Na umnak inn khan chuak law na umnak ding van le vawlei kar ah va kal.

Ka nun zia; Unau pakhat khat sinah ka palh ahcun, ngaithiam ka hal colh lai. Chiat a ka serh ahcun, thluachuah van luh ka hal puak lai. A ka nihsawh ahcun, lunglawm tein ka in lai. PATHIAN a doh ahcun ka sik lai. A ka doh ahcun PATHIAN ka hngak lai. Bawmh a herh ahcun ka bawmh lai. Tu lio vawleicung khuazakip ah khuachia fa tete hna cu an i chawk i, an Camp lian, online in le an Principal ‘Freedom of speech’ hmangin, mifim, mirum, miralțha hna kha hman an i zuam hna. Cuticun, Noah fapa Ham bantukin, PATHIAN umpi mi an pa le hna palh sualnak kha zapi sinah phuan zarin an i la i, cucu dinnak ah an ruah. Sihmanhselaw, hringtu pa le hruaitu hna palhnak thangchiat cu PATHIAN nih dinnak a si lo ti kha a langhter i, thaizing khuadei tikah, Ham cu chiatserh mi ah a hung i cang i a tefa hna cu chiatserhmi ah an hun i cang ( Gen 9:20-27).

Zan khuamui lak i an pa Noah, palh sualnak a fiimhlawmtu Shem le Japeth tu cu, thaizing khua a hung dei tikahcun, miding ah chiah an si i Thluachuah pek an si. Nihin ah, vawleicung Thluachuah a phurtu hna hi Shem le Japeth te fa hna an si i, Abraham zong kha Shem tefa cu a si. PATHIAN nih Miphun hruaitu le uktu caah a thimmi hna, an palhsualnak va pho zaar le thangchiat hi dinnak a si lo i, mah le mah chiat i serhnak tu a si. Anmah cawnpiaktu dingah PATHIAN nih a minung aa chiah tawn ko hna kha!

Lamkaltu 23:5, Cathiang chungah “Na mi a uktu hna cu na thangchiat hna lai lo,” a ti. Cucaah, “Freedom of speech,” hi i tlaihin PATHIAN a hngal lomi hna bantukin, duh paoh in hruaitu hna palhsualnak phozaar le țhuat hi PATHIAN nih dinnak a ti bal lo. Phungthlukbia 28:21 Lei nih hin thah khawhnak le nunh khawhnak țhawnnak a ngei, cucaaah na bia chimmi theitlai cu na co a herh lai. Salm 34:1-13 Ka hawile mino hna, ra u law, ka bia ngai tuah u; BAWIPA țihzah ning cu kan cawnpiak hna lai. Nun nuam tein nun le chan saupi le lunglawm in nun cu nan duh maw? Nan duh ahcun bia țhalo chim kha i sum u, lih kha chim hlah u.

Matthai 12:36-37 JESUH nih, “hihi kan chimh hna: Nan kaa in a chuakmi bia, ruah setsai loin nan chimmi bia vialte kha, zeicahdah kha ti khan ka rak chim, tiah Biaceih ni ah cun nan ti a hau te lai. Zeicahtiah nanmah bia lila in nan luatnak a si lai i nanmah bia lila in sualphawt nan si lai,” tiah a ti. KHRIH Lamkaltu Tluang Lian (Martar)

By Chuncha

Leave a Reply

Your email address will not be published.