Melbourne nichuah lei ah khua a sami, Thantlang peng, Tlangpi khuami Pi Tial Zi, kum 60 nih 30/10/2020, Melbourne caan zinglei Sml 4:30 ah cuap cancer zawtnak in anmah inn 3 Hayes court, Kilsyth ah mual a kan liam tak ee. A pasal Pu Thla Cung le an fale 6 (nu 5 le pa 1) a rohtak hna. A tu lio cu kan tlangrai a thian rih lo caah khrihfabu min in thutpinak tuah awk le ruak ihumh awk zong a ttha lo.

Inn zong ah minung tam nih ngaihchia mi hna chungkhar hnemhnak le va lenkai khawh zong a si lo caah taantak mi chungkhar hna caah thlacamnak tu in bawm cio hna usih. Pi Tial Zi hi mi tha le mi hmurka tam a si. Asin um a nuam ngaingaimi a si. Hawikom le mileng a daw i mi tlaihchan a thiam. Hawikom muleng nuamhnak ah nichuak capo chim a thiammi a si caah mithlam ah a cuang than lengmang dingmi kan Nu a si. A aw-aa ngaih a nuammi Nu a si.

Caan zaimawzat dam loin a um hnu ah a hun kan liam taak hi a si. Hi btk Nu tha nih Chungkhar, Tulefa, Khuami, Khrihfabu le Miphun a hun kan liamtaak tikah ka lung a faak hringhran ko. Ngaichiat lungkuai a zual i a faak hringhran. aw, Kanu aw, Dai tein hung kal ko mu, Taksa in kan in tongthan ti lo nain kan mitthlam le thinlung ah na caam zungzal ko lai. Kan in siang hrim lo e. Vansui khua in rak kan dong te ne law: Khrihfabu le MNKF min in thutpinak tuah awk a that lo caah ngaihchiatpinak le bulhnak pek a duhmi nih a tanglei bank account ah pek khawh a si.Source:  Australia Chin Community – EM

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.
Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.
Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.