Jepthah Lal Pan Lian Mual In Liamsan: Tuzing nazi 4 hrawng ah mawtaw accident in kan duhdawt zet mi kan unau, rualpi Pan Te in mual in liamsan asi. Taanta mi innsang hrangah thlacamsak cio uh si. Credit: IFCC, Note, Mah hi ruak vuinak kong siseh, Laitlang a khua atu a umnak ti bantuk pawl cu a hnu ah thawng fiang update kan rak tuah than te lai.

Matupi nih Pu Ngun San Aung Duhlonak Cathanh an Chuah: Pu Ngun San Aung nih ralkap cozah pekmi rian a cohlanmi cung ah Matupi zatlang bu pawl nih duhlonak fak ngaiin an langhter. “Kan ram nih hi tluk in har a ton lio caan ah mipi zawnruahnak ngei loin le mah pumpak hlawknak lawng cuan in Chin ramkulh Administrative Council rian a cohlangtu Pu Ngun San Aung cu Chin mipi nih kan thimmi a si lo caah Matupi zatlang bu hna nih duhlonak fak piin kan langhter” tiah an ttial. Ralkap nih Pu Go Suan Khai (Tedim) zong rian an pek ve nain “Ka cohlang kho lo” tiah Hakha Rungtlang ralbawi sin ah ca a ttial. Credit: TCJ

May be an image of text

Salai Lungthli Tum Timeline ta chiarchanh : Chinmi rawitu traitor Ngun San Aung, mipi mee in hmunhma na ngah khawh ti lo hnu ah mifir ralkap he nai fonh i an firmi nai hrawm diam ko. Nangmah bantuk Laimi lakah nan um hi Laimi kan van a chia hringhran dah. Na chungkhar unau nih an in zahpi tuk cang lai.Credit:Salai Lungthli Tum

The Hakha Post Chiarchanh: State Administrative Council chungtel ah Pu Ngun San Aung aa tel.Ralkap nih mizapi thimmi Myanmar ram Cozah uknak an hramhram in an laak hnu Cozah thar an ser mi State Administration chung ah 2010-2015 USDP cozah chan ah Sakremhnak Minister a rak tuan balmi Pu Ngun Sang Aung cu rian an khinh i amah lei zong nih a cohlan ko tiah theih a si.

Pu Ngun San Aung nih, “Ruah lo piin rian an vun ka khinh ve tik ah ka lau ngai ko. Ram le miphun ca ah a si khawh chung in riantuan timi hi kaa timh ca ah ka cohlan ve. Ka miphun hawi ca ah a tha bik in tuan kaa zuam lai,” tiah The Hakha Post ah a chim.

May be an image of 1 person and indoor

Tuzaan 2021 February 11 i ralkap nih an thanh ning ah Chin State Administrative Council member chungtel an thanh mi chung ah Hakha in Pu Ngun San Aung le Tedim in Pu Gu Suan Khai hna an i tel. Pu Gu Suan Khai hi a hramthok ahcun a cohlang hna lo nain atu cu a cohlan than cang hna tiah kan theih.

Relchih:Myanmar ram cu lungrethei chin lengmang dirhmun a phan cang. Kawl ralkap tuanbia zoh tikah, ram mipi duhlonak langhtermi nih an lung a thleng kho bal rih hna lo; mipi thisen tu a luang tawn. Ramkhel lei thiamsang cheu khat nih, “2021 cu hlan lio deuh he cun aa dang tuk cang” an ti cio i cu aa dannak theipar cu a um phum te hnga maw, ti te khi kan i ruahchanmi cu a si.

UK nihcun “Myanmar ralkap uknak hi khirh tthan khawh a si ti lai lo. Zeicatiah vawlei cung democracy ram ngan bikbik hna nih ralkap uknak khirhter tthan ding tiang in an tuah khawhmi zeihmanh a um ti lo” tiah a ti.

Nizan ah ralkap lei in Min Aung Hlaing nih ralkap dirhmun fiang tein chim nolhnak a ngeih tthan i kan biakam le kan tlahttem ti bak si ko khah! Cu lawng hlah, atu an ttuan cuahmahmi rian hnahnawhnak petu vialte {sandahpiahmi telh in} action kan lak cang lai caah minung cu zat kha zat leng a buu in um a ngah ti lai lo” tiah felfai tein ramri an ser cang.

Cu bantuk an ramri te lonhnak cun thisen luan hram aa thok tawn kha a si; a luan ciami caan ah! ย Sandahpiah caan a sau deuh deuh, mipi zong an thi a lin deuh deuh ve. Ralkap lei nih le an ramri an bitter deuhdeuh ve fawn.

Cucaah ram chung ummi kan miphun hawi hna hi an him lo chin lengmang cang. Zeitik poh ah, thisen luang kho peng dirhmun kan phan cang hih!ย  Fak chin lengmang in kan miphun le kan ram caah thlacamnak ngei ko tuah hna u sih.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.