Vawlei cung ngai hi a poi tuk tawn ko ee, kan duh lo mi le kan theih duh lo tawn mi thihnak thawng kan theih hi cu tuar a har hringhran ko. Cu lak ah hringtu nu le pa hna nih mual a kan liam tak hi cu a poi khun ko. Hringtu nu le nih mual a kan liam tak hi cu fa le caah tuar a har hringhran ko.

Atu mual a kan liam tak mi hi Pi Flora Lalmuanpuii Kum 35 (A pasal Tlangsawilaia) D/o CA Sangzawna, Ramhlun North, Aizawl cu Pneumonia dam lo nak ruangah Ebenezer hospital ah nihin chun suimilam 12:10Pm ah khan a kan liam tak hi a si. amah hi kan theih khawh nak ding ahcun Pu Paul Hlunthanga, Sialsuk Vengchhak tunu a si. (Pu Thangmanga nau fanu). Kaltak mi chungkhar Bawipa tu nih in tuar zia thiam ter hram ko hna seh.

2020 US thimnak cu a dih cang. November 3 in Nizan January 6 tiang kha ruahning le hmuh ning a phunphun cio in chim le rel cio a si. Minung cu kan pum ai dan bang kan ruahnak zong cu a rak a dang tuk ve I a phung a si ko, a nuam ngai ka hei ti ko. Asinain Trump le a Party pawl nih an zumh bikmi sihni pawl I hlan in tazacuainak 60 renglo an chuahpi. Hitluk anmah power neih lio asi ko nain cu an tazacuainak cu states level in siseh federal in siseh supreme court in siseh an hnon piak dih hna. Amah Trump a ttanhtu le a dirkamhtu bik pakhat a simi AG William Barr hmanh nih 2020 thimnak ah hlathlainak kan tuahmi chungah lih le hrokhrol a umnak kan hmu bak lo tiah a chim.

Cu ruangah Trump nih a rian in phuah a timh nain amah tein a rian in kai din lai a ti I aa din. US election officials nih 2020 thimnak hi US tuanbia ah a him bikmi a si an ti. Hitluk in lam phunkip in sual an puh nain tehte evidence an chuahpi khawh lo caah an hlawh a tling ballo. US hitluk mifim thiam sang hna nih lih le hrokhrawl a um lo an timi hi kannih Laimi zong nih lih le hrawkhrol puh ve ti hna hlah u sih law a ttha deuh lai. Mizo le Laimi khrihfa pawl hi Kan i Ralrin deuh a hau. Lih le lih in Pathian nih bia a ka chimh tiin hrokhrawl chim hi tthin hna u sih. Hruh le lih mangmanh zong hi hrial deuh hna u sih. Kan Pathian belnang nalh ti hlah uh.

Pathian min a chim menmi paoh le Bible ai put menmi paoh khrihfa ttha tuk le piangthar tuk ah ruat ti hna hlah sih. Va aukhuan men hallelujah ti paoh zong hi piangthar ah ruat hna hlah u sih Donald Trump, Amah miaknak le power neih khawhnak a si paoh ahcun midang zeitluk fahnak le harnak an tuar zongah a mit a chinhkanhmi, mah tlamtlinlonak I hmu duh lo riangmang in midang tu sual phawt a hmangmi, vawlei cung minung vialte lakah lihchim a hmang bikmi pa, Nizaan bantuk US ram nih a hmuh ton ballomi buainak a chuah tertu, US constitution le democracy zei a rel lo I vawlei pi mithmuh ah belnang a nalhtu pa hi Pathian a ttanhtu le khrihfa ttha tuk ah kan ruat peng ti hnga maw?
Nihin in Fb nih permanent in an block mi pa a si hoi, Twitter le YouTube zong nih an block rihmi, Hitler bantuk in mipem a huatu le a rem lotu a si hoi. Vunrang lawng hi miphun sang kan si timi lungput white supremacy lungput a neitu pa cu a ni caan kutdong thluk te lawng a tang cang. Atu a caan ni 14 dih hlan hmanhah a President sinak an chuh khawmi dirhmun ah a um cang. President ai cuh lio ah ka rak uar tukmi, teinak a hmuh I ka rak i lawmh tuk ve I ka mitthli tiang nih a rak Lawmhpi mi a si. Asinain caan a hung kal deuh I a biachim, a lungput a sining ka hmuh le ka zoh ve lengmang tikah a mipem dirhmun le US ram ca ka hei ruah ve ah ttih a nun ning cu ka hmuh ve.

President a ttuan ka in kan rak uar tukmi pa hi a donghnak lei a tuanbia zoh tikah ngsihchia le zaangfak lei khi a si a caan donghnak lei tuanbia le ro legacies a chiahta mi zoh tikah US President a ttuanmi vialte lak ah a chiakha bik le tuanbia chia bik a ttialtu ah an chiah te dingmi a si. Trump le 2020 kongah hawikom hna he kan ruah ning cio in bia phozar le I al pah in caan kan rak hmang hna. Trump le 2020 thimnak ruangah hawikom chungah nan lung kan father sualmi hna nan um len ko lai. Atu cu a dih cang . Hi ca ka ttialmi chung in siseh a liam cia caan chung ah siseh nan lung kan fahter sualmi hna vialte hi ca hin ngaihthiam kan hal fawn hna. Credit: Robert Tling

By Chuncha

Leave a Reply

Your email address will not be published.