Rev. Dr. Mangkhosei Kipgen nih tuzing suimilam 4am ah mual a kan liam tak tiah theih a si.  Eastern Theological  College Principal hlun Rev.Dr.Mangkhosei tuzing October 14,2020 ah hi vawlei nunnak in a kan liam tak cang ti thawng kan thei. Dr.mangkhosei hi minipur asi ii , Kuki Baptist convension ah rianttuan mi asi. Anih hi a hngakchia tein mi nunnem te mi ziattha ngaingai minung pakhat asi. Ahngakchia deuh lio in hin Pathian rrianttuan ding hi aai hmaithla peng mi a rak si, Pathian rianttuan hi a rak duh ngaingai mi asi. Bible sianginn arak lut ahhin amah nih cun pathian thawngttha bia phuangtu{evangelist} rianttuan hi arak duh ngaingai mi asi.

Asi nain pathian nih plan dang a tuah piak i, Bible chimhtu{ Teaching} ah a plan cu a rak i thleng. ETC,Jorhar.Assam ahhin {B.Th.Diploma} a rak dih, cun Senate of Serampore College ah {B.D}a rak dih tthan.Cu hnu cun 1969 ah khan  {M.TH} a rak dih, cun hnu 1979 ah {D.Th} arak dih mi asi.Cu hnu cun caan saupi bible sianginn ah ca achimh hna , cu lawng siloin Eastern Theological college zong ah Principle caan saupi arak ttuan bal mi asi.

Rev. Dr Mangkhosat Kipge hi kum 84,asi ii Champhai Village, Churachandpur, Manipur, ah 14thOcotber, 2020 Zion Clinin, Tuibong, Churachandpur ah caan saupi taksa damlo nak tuar hnu in mual a kan liam tak hi asi. Anih hi mizo holh zong duh poah in a holh khawh ii, Mizoram zong ah  caan zeimwzat pathian thawngthha bia arak chim bal mi pakhat asi.

Minipur khrihfa ahlei in Kuki hna nih an ii bochanh taktak mi Pathian saltha pakhat asi.Tutang ah hi bantuk in thil avan um ti ah Minipur khrihfa mi hna an  an ngei achia taktak. Minipur caah vaan arfi bantuk in an ii zohthlak mi pathian salttha pakhat asi fawn. 2007 in 2012 chungah minipur ram India an umnak state dangdang ah Khrihfa adirh i nihin ni ahcun Hindu nak in khrihfan an tam deuh nak state ah a chuak mi pathian salttha asi.

Hihi lawng si loin Cauk zong arak chuah bal ve. Dr.Kipgen athih cu minipur lawnglanwg siloin Mizoram vialte siseh, Ramdang The American Baptist Churches of Massachusetts (TABCOM}hna tiang nih an ngeichiat nak fak pi in an rak langter. Aruang cu anih hi Ramdang zong ah Hawikom tam taktak a ngeik. Khrihfa mi nih bochan ngai mi hna zumtu tha rian tampi atuan mi hna nih mual akan liam tak hi cu an pam hmai ko. Asi nain kum khua nih lai a rel cang mi hna tu hi cu kan siang hna lo zongah Bawipa nih an caan a dih ter cang hna i zei tik awk khi a tha lo. Tangtak mi chungkhar cinla rualchan vialte pathian nih umpi hram ko hnaseh. Source: Kuki Baptist Convention

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha