Apoi tuk hringhran ko. Duh a nung saling le nu le pa chungkhat nih zohtla lio pi ah ruah lo pi in hi bantuk zanmang hmanh ah manh ngam lo mi thihnak fak cu tuar a fak hringhran ko lai. Thihnak hi ngakchia, mino, upa, tar ti thleidan a ngei kho bak lo mu. A zei tik caan poah ah kan nunnak a liam kho ti hi kan fanu nih hin a kan cawn piak mu. Zumtu nihcun timhcia tein um cio khawh i zuam hna uhsih.

Atu kannau, kanfanu mual a kan liam tak mi hi a min ah Joicy Chingdeihkimi (K-6) a si i, hringtu a pa hi Job Nengkhenpaua a si i, anu min hi Dimgoniang a si. Anamh hi Champhai Vengthar ah a ummi an si. Kan nau nu mual a kan liam taknak a ruang hi thi paamnak in a kan liam tak mi a si tiah theih a si. Thaizing 9:00 Am ah a ruak hi vui a si lai. A ruak hi Rev. Tuangzapaua nih vuinak a tuah lai, anmah hi Assemby of God Church Khrihfa bu ah a um mi an si. Kaltakmi chungkhar Bawipa nih hnem hram ko hna seh.

Champhai Vengthar Zualko: Hming, Joicy Chingdeihkimi (K-6) Pa Hming: Job Nengkhenpaua, Nu Hming: Dimgoniang, Thih Chhan: Tuitla, Thihni : 2.10.2020 2:30pm, Vui Hun: 3.10.2020 9:00Am, Vuitu : Rev. Tuangzapaua, Kohhran: Assemby of God Church, Secretary, Young Mizo Association, Champhai Vengthar

Thawngpang dang <<< North Korea hruaitu Kim Jong Un cu a luancia zarh ah thli le ruah le tilian nih a hrawh mi an ram nichuah thlanglei leikuang a hmun ah zoh dingin a kal tiah North Korea cozah media KCNA nih tuchun 02 Oct 2020 ah a thanh.North Korea nichuah thlanglei leikuang hi North Korea ram facang cheu 3 cheu 1 chuahnak hmun a si ve, Thli le ruah le tilian nih a hrawhka zarh 2 aluancia ah khan Kim Jong Un farnu Kim Yo Jong nih hi hmun chiat tonnak hi a rak tlawn ve cang.

Kim Jong Un nih a chim ning ah “Tu kum hi kan ram nih chimchung khawh lomi harnak kan ton fak bik kum pakhat a si” tiah a chim i UN official sin ah North Korea harnak tonmi cu raltuknak hriamnam lei silo economics lei focus nak ding harnak a si tiah biacah a chim. North Korea nichuah thlanglei thli le ruah le tilian a thawhnak hmun ah hin thli le ruah nih Building in 1000 leng a hrawh, inn ai rawkmi lak ah hin leikuang i cinthlak mi facang le thildang chiahnak kudawng in zei maw zat ai tel.

Riantuan tu hna nih leithuangmi harnak cu bawmhnak an pek cuahmah lio a si i inn hrawhmi remh thannak le leikuang tawkmi remhthannak rian tuantu hna sin ah Kim Jong Un nih lawmhnak bia a chim.Credit : CBN News

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.
Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.
Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chunchanews Editor.

By Chuncha