A tu hrawng cu Covid-19 hrikrai ruangah biakinn ah i pumh ngam loin facebook online in caan ngeitu le แนญuanvo ngeitu nih live in thlah cio a si caah aho buu zei buu ti um loin Pathian kan thangแนญhatnak i hrawm cio khawh a si.

 

Kei zong zarhteni le zarhpini paoh cu khatalei live ka zoh, katalei live ka zoh tiin kai tleng lengmang ve tawn, zeimaw caan ahcun hitihin pei thawngแนญha kip kan theih kho deuh hi ti tiang ka thinlung tein ka ruat pah!

Ka chim duhmi cu hihi a si. A bikin ramthumnak ummi pumhnak live deuh hi ka zohmi a si i cuhman ahcun US a ummi Khrihfabu kip hi a bikin ka zoh deuh hna, cutikah an Khrihfabu cio ah an hmanmi holh cu anmah le pengtlang holh cio kha a biapi in an hman dih.

Mara, Lautu, Senthang, Zotung cu an biakinn ah anmah holh te an hman cio tawn ko rua, an pumhnak online live an thlahnak zongah anmah pengtlang holh longte in an thlah ka theih tawn.

A sinain kannih Zophei cu kan pumhnak ah kan holh kan hmang ti lo. Zophei chung ahhin buu zong kan tam bik rua ka ti. A sinain ahohmanh nih kan Zophei holh hi a hmangmi kan um ti lo. Laimiphun nakin Zophei nih Laiholh hi kan แนญanh deuh i kan uar deuh cang rua tiawk in a um cang.

Hitin ka ti tikah Zophei nih Laiholh kan hman ding a si lo ka tinak cu a si hrimhrim lo. Khrihfabu dang le pengtlang dang vialte nih anmah le pengtlang holh cio an hman i an sunsak, an kilkoi cio lioah kannih Zophei tu cu kan holh hi zei ah a rel lomi le a zahpimi hna ko ka lawhter i ka lungchung tein ka sia a rem pah ti lo, kan holh hna ka zaang a fak bantuk phun khin ka um.

Zophei nih kan Khrihfabu ah, kan community ah, kan fellowship ah kan pengtlang holh Zophei holh kan hman duh ti lomi hi kan hruh maw a si kan fim dah timi hi biachahnak kaa tuah kho hrimhrim lo.

Credit: Iang Ku Pa

By Chuncha