Zohtthimtlak Fala

Tulai kan boruak Covid-19 ruangah ram tamtak cu bazar le dawr khar a si tikah mihrekkhat cun mah le ti thei tawk cio in hanghnah hangrah khawlkhawmin retawk cia tthep2 a si. Culaiah mah pakhat tei’ inntleitu hnakin innsang a rual ih umtu pawlcu an eiin a heu ve deuh tikah daihawk lo can veitampi a um ttheu.

Zuk ih kan hmuhmi, hi fala hi Kalay peng Angteng khua a siih tuih a umnak cu Lunglei ih ceeng a si. Tial Kip Dim(Nute) in amai eiin ding hrang a retawk cia ve mi sung ihsin innhnen kiang le kap in an daih awk lo thu sim in lei dingih an dil phah2 canah a nih in sumpai zianghman la loten a lakin a tthen hai ttheu. Cuihhleiah a innkiangkap pawl hi te le fanau thawn sungkua ih um an tam sawn tikah eiin daih aw loin tlasam in an um pang ding ti phangin ‘Daal’a leimi sung ihsin a inn luahnak building ih ceng ve tu hmuah2 innkhat hnu innkhat in a zem vivo a si.

Milai bomawk timi hi sumpai tampi in mi kan va bom thei lo hmanah thazang a ttul le thazang in si maw, kan neih ciami thil le ri ihsi khalin si maw, bomawk hi a rak theih ring2. Midang harsa le mangbang vansan ih an um laifang te ih kan neihsun le kan titheitawk teih mi kan va bomnak hin midang hrang thlawsuah thlentu a siih hleiah thil sunglawi zet a si. Amah hi mithleidan nei loih mizaangfah thiam zettu le mi tirhsiang zet a siih mittha le mifel zet khal a si.

Note: A thil tuahmi thuhla ah midang ih theih le hitiih pholang ding hi amah cun a duh lo zet nain, a mah a hmutu le theifiangtu hrang ahcun daiteih umsan men theih a si lo. A nun hi zohtthim a tlak in ngaisan tlak zetmi a si ruangah um men thei loin kan run taarlannak a si.Credit:Chinland Today Media

By Chuncha