Kan kawlram a that lo ruangah Refugee in Malaysia le India Thailand a dangdang kan phan hna, Harsatnak tampi lakah le thihlonaknak hremnak tampi lakah Chinmi tampi zong kan harsatnak Bawipa nih a kan umpi i Ramthumnak zong tampi a kan phan ter cang. Atu bantuk tuanbia hi vawlei ahmun chung cu a lo tlau lai lo, kum a liam cuahmah i vawlei uktu zong a thlen lengmang ve bantuk in atu ahcun Refugee lam hi a pit ngai cang. nan kaltakmi hna Malaysia le India um mi caah nan si khawh chung in bawmhchan le tanhpi an herh ngai hna. Atu bantuk in kan Chin miphun tampi ram nuam deuh ah kan um khawhnak ding i a lamkip in a kan bawmchan tu vialte cungah lawmh a um hringhran. Atu video Malaysia refugee tuarnak CAM nih a thar in a kan hmuh ter than tikah thinlung ngaih a chia ngaingai, nain tampi kan chin miphun ramthumnak phanter tu a si ve caah lawmh a um ngai than a um.

Miphun hawile hna, Nihin June 20 cu World Refugee Day a si. Malaysia ah Chin refugees 52,000, India ah 3,000 le Rakhine le Chin State ah Chin IDPs 20,00 renglo an um. Anmah philhlonak ah hi video hi CAM nih kan in hrawm hna.

CAM-Chin Association of Maryland, Inc. (Chin Integration and Advocacy Network USA kha CAM tiin a min tthing ah kan kir tthan). Zoh hmanh, nan ngeih a chia ve theo lai kan ti. An caah thlacam piak hna u sih. Atang link hi hmet law Video na zoh khawh lai.

https://www.youtube.com/watch…

Thawngpang dang relchap<<Malaysia ah a ummi Chin ralzam RSD interview a tuah rih lomi hna caah siaherhnak taktak he ka rak tialmi a si. Mahhi bantuk kong hi online ah tial phung a si lo nain siaherhnak tuknak le miphun dawtnak he ka rak tialmi a si. Malaysia ahhin Chinmi tampi cu ralzam si loin sipuazi ruah ah an ra ti kha UN nih an hmuh ning le theih ning a si. Cu ruang ah Chin ralzam hna cu interview an tuah tikah UN nih biatak tein an kherhlai hna i biachim a thiam deuh lomi le ai palh deuh mi cu ralzam taktak a si lai lo tiin an ruah hna caah reject an tong tawn.

Cun, NLD cozah a kai hnu in Kawlram cu democracy ram a hun si tikah le CNF nih kahdaihnak min an thut hnu cu nan ram a him ko an ti caah Chin ralzam tampi Card an chuh hna. Chinmi caah UN donghter zong an rak timh. 2018 ah UN zung hmai ah Chin ralzam nih duhlonak zong an rak langhter bal khah. RSD interview hi a biapi taktak mi a si. Ralzam ah cohlan na si le si lo, a fawinak cun UN Card pek le pek lo tawh a ngeitu cu RDS interview kha a si. RDS interview na sungh ahcun UN Card na ngah lai lo. Na awn ahcun UN Card na ngah lai. Cu ruang ah RSD interview hi ralzam caah a biapi cemmi a si.

RSD interview hi mi cheu cu voi tampi an tuah hna. Register luh zong ah tuah a si i appointment lak hnu zong ah tuah than a si. Cucaah a buaithlak ngaingai i lungfim ngai a hau. Biachim i ralrin i thiam bak a hau. RSD interview phi ding na si ahcun
Number One. Na konglam kha UN zung na phak hlan hrimhrim in nai cinken dih lai. Kawlram in na van i thawh ni, Malaysia na phak ni, Thailand na phak ni tibantuk kha nai cinken dih lai. Ready bak ka si na ti a hau tinak a si.

Number Two. Na case kong ahcun na case a that tuk lem lo zong ah buainak na ton ni, buainak na tonnak a ruang, khoika ah buainak na ton, zeitik ni thla ah, zei ruang ah Malaysia na rak phak tibantuk kha tha tein chim khawh nai zuam lai. 3. Malaysia ah harnak na tong maw? timi biahalnak a um tawn. Cu tikah na ton lo zong ah ka tong ko na ti lai. Ramdang mi nih an ka velh, UN Card ka ngeih lo ruang ah rian ka tuan kho lo, palik nih an ka tlaih i tangka cuzat ka cawi cang tibantuk kha na chim lai. A nithla na cinken lai.

Number Four. Lai lei na chungkhar kong an in hal tikah kan i pehtlai kho lo i an thawngpang zeihmanh ka thei lo tiah na ti lai. 5. Kawlram ah kir law harnak na tong lai maw? timi biahlank a um tawn. Tong ee ralkap nih an ka tlaih lai, thong an ka thlah lai. A siloah an ka thah lai tibantuk in na chim lai. 6. Nan ram a tha cang, na ram a him cang caah na kir zong ah zeihmanh harnak na tong lai lo tiah an in ti khawh men. Cu tikah Kawlram kir cu ka tih tuk. Ralkap ka tih peng hna. Ka kir ngam lai lo. Kan ram cu ralkap uknak ah a um rih tiah na chim lai.

Number Saven. A voikhatnak interview i na chim cangmi bia pawl khai nai cinken lai. A voihnihnak interview a rat tikah a voikhatnak na chim mi bantuk tein na chim than lai. Na bia ai dang lai lo. Na bia ai dan ahcun an in zum ti lai lo. 8. Interview tuah ah na thathir lai lo. Na tih lai lo. UN cu kanmah an kan bawmtu an si timi na theih a hau. Ralzam bawmtu ding caah UN cu a ummi a si. Cucaah tih ding pakhat hmanh a um lo. Ref: Malaysia Chinmi Authawng

By Chuncha