Chinese doctor pakhat cu covid-19 in caan saupi chung an zohkhenh cang i, a vun rawng zong ai thleng viar cang i, zoh hmanh hi a nuam ti loh tiah an chim.

Dr Hu Weifeng hi Wuhan Central Hospital ah riantuan mi asi. January thla thok khan a riantuannak ah covid-19 virus hi a rak kai cang i, Intensive Care Unit ah thla tampi zohkhenh asi cang.

Thla 5 deng mang zohkhenh an thlop hnu tiang zongah a zawtnak cun dam lei panh lo Dr Hu hi a nunnak a liam tiah Chinese news website The Paper nih a van phuan. Dr. Hu hi urologist asi i, covid-19 whistle-blower Li Wenliang hna he khan hmunkhat ah riantuan tti mi asi tiah an chim. Spokesperson nih Dr Hu a vun rawng ai thlen ning ahhin an thlopbulnak ah antibiotic an hman ruangah asi tiah an ti.

Dr Hu he riantuan tti mi pakhat Dr Yi Fan zong a vun rawng ai thleng i, covid-19 virus a kai ve mi thiam asi i, sinain a nih hi cu a dirhmun a tha deuh. An pahnih hin kum 42 an si veve i, Wuhan Central Hospital ah damlo an zohkhenhnak ah virus hi an kai ve mi asi.

A hmasa ahcun Wuhan Pulmonary Hospital ah zohkhenh hmasa asi i, Tongji Hospital’s Zhongfa Xincheng branch ah transfer than asi. Dr Yi tuhi life-support machine, ECMO ni 39 chung vuah asi hnu ah that lei a panh i, Dr Hu tu hi a dirhmun a serious deuh deuh. A check tu doctor hna sin zongah a holh kho loh. February 7 khan March 22 tiang ECMO therapy a lak hnu ah a tha deuh i, aholh zong a holh kho deuh i, April 14 khan ordinary ward ah chiah tthan asi i, mah  hnu cun a zual deuh than. Cerebral haemorrhage tuar in intensive care units ah chiah than asi i, a thih tiang in cu ka ahcun a um.

 

By Chuncha