Georgia State i vote an thlakmi cu kut bak in an relter ṭhan hna i zahan tiang ah Fayette County ah vote 2755 reng lo bak rel lomi an hmuh ti si i tuchun ah vote 3000 reng lo Walton le Floyd county ah an hmuh chap i vote 5600 reng lo an hmuh cang ti a si. Pu Trump le a team pawl hi tlawmte cu an hnabei sei deuh kho men.

Donald Trump's economy really was better than Obama's - business news -  Hindustan Times

Nain, Pu Trump nih Georgia ah hin tei ṭhan hmanh seh law a hmuhmi vote hi 248 lawng a si rih lai i 270 a tling kho hlei lo. A sung ṭhiam lai. Cucaah, state dang Wisconsin, Pennsylvania le Michigan lei ah an buaipi rih a herh hnga. Wisconsin hi Georgia bantuk in vote relter ṭhan ding a si ahcun tuchun suimilam 5:00 hlan ah Trump team an busipi a herh i phaisa million $7.9 hrawng an thaap ngam a herh. Tuchun i an buaipi lo ahcun Wisconsin vote relmi result hi Certified tuah ding a donghnak ni a si cang i Certified an tuah cang hnu ahcun legal challenge hi tuah khawh a si ti lai lo. President Trump le a campaign team pawl hi an awlok chong ngai kho men.

Joe Biden talks to Democratic donors about 2020 presidential run

State dihlak nih an vote relmi result cio hi December 8 hlan ah fehter (certified) dih ding a si i December 14 ah Electoral College (state cio nih an thimmi hna Electors) nih vote thlak ding a si. Electoral college nih vote an pekmi hi CONGRESS nih January 6, 2020 i rel ding hi an schedule cu a si. Nain, Senate le House an lung ai khah lo sual ahcun thawn khawh zong a si. An lung ai khah ko i electoral college vote hi an cohlan ko ahcun January 20 ah President ding cu biakamnak (Oath) tuahter a si telai.Source:Fox News

Don't be afraid' of COVID, Trump says as he returns to White House that is  stalked by illness

Relchap huam mi caah>>Trump Power hi fawi tein thlak khawh ding asi lai loh. Chim ding le phuang tamtuk a ngeih ve rih ko. Asinain Vawleicung Hruaitu tam deuh nihcun Biden cu teinak ahmu ko cang tiah an lawmhpi.Cu chung ahcun. Israeli PM Benjamin Netanyahu le Bahrain’s Foreign Minister Abdullatif Al Zayani zong nih lawmpi nak tuah dingin an lungtling ngaingai cang. Cun Mike Pompeo zong nih Biden nih teinak a hmuh te ko lai tiah a rak chim bal cang. Mike Pompeo hi White House hman nih hmun tampi zawwn ah an tih zah ngai mi pakhat asi fawn.Cu ruang ahcun Mike Pompeo cu tutang presidency ahhin dainak in zeitindah president hi an i tleng khawh hna lai tiah ruahnak an rak hal.

Cu biahalnak cu fiangtop in a rak leh hna loh, mi sawhsawh nih an ruahnak menmen in arak leh hna. Cu hnu ah tutang ah mike pompeo nih achim mi, President Trump power hi fawite in cuh le laksawh kho men ding asi te lai loh, cu lawng siloin Trump nihin a lamkip in thil tuahnak power a ngeih fawn. Hi ruang ahhin Trump caah hin ruahchanh nak lam a um ko rih tiah achim. Hihi NTP nih an tial mi asi.Amah nih Mike Pompeo biachim mi chungah an I fiang mi pakhat an chim mi  cu, Trump hi fawi tein thlak khawh asi lai lo tiah an chim.Source:NTP News

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.