Kayleigh McEnany timi nute hi President Donald Trump nih White House Press Secretary caah April 7, 2020 ah khan a thim tharmi mino te a si. Amah hi kum 32 lawng a si, Fanu pakhat te a ngei. Florida ah a thanglian mi a si. Harvard University ah upadi lei thiamnak (JD) in a awngmi a si. CNN ah politics commentator atuan balmi a si. CNN a chuak taak i President Trump bawmtu ah a hung cang i, Republican National Committee nih On August 7, 2017 ah National Spokesperson ah an thimmi a si.

White House press secretary Kayleigh McEnany inadvertently reveals ...

Kayleigh McEnany hi Pathian a bochan taktak mi si. A nule a pa zong Pathian zumtu tha an si. Nizan ah khan Christian Broadcasting Network nih interview an tuah i, naite ah athimi Christian Icon, Ravi Zacharias kongah a chim chihmi tete hi siahehrnak he theih fawi ding le a remning in kan leh piak hna.

Trump declares churches 'essential,' calls on them to reopen

 

Kayleigh Mcenany Zumhnak Le Ravi Zacharias A Hmuhning:
Khrihfa nih kan theihmi le kan zumhning ah thihnak timi hi a donghnak si bal lo, kan i thawknak lawng a si. “Nifantin ka nuning le ka zumhnak a ka thlengtu le a ka fehtertu pakhat a liam tik ah ka thinlung a kuai hringhren, Pastor Ravi Zacharias nih ka nunnak tampi a rak ka thlen”. A mithli tlak pah in a peh rihmi cu, “Ka pa nih a rak ka ti zungzal mi cu Billy Graham cu Evangelist minthang bik a si i, Ravi Zacharias cu apologist [ Khrihfa zumhnak a dirkamhtu] minthang bik a si tiah a rak chim, Ravi Zacharias hi hmaitonh in ka hmu bal na loin ka zumhnak a ka hip khotu bik pakhat a rak si.

Ravi Zacharias | RZIM

Khrihfa ka si bantuk in ka ngakchiat lio tein Jesuh khrih cu a ka khamhtu a si tiah ka rak cohlan. Asinain vawlei fimthiamak lawng in a khatmi sianginn thatha le oxford sianginn ka phak tik ah kan zumhnak kongah bia-elnak a phunphun a hung chuah tik ah kan zumhnak hi thluak fimnak lawng in tuak khawh ding a si lo, kan zumhnak tu in kan rak tuak deuh ding a si. Kan zumhnak tu hi kan fimnak hrampi a si ding a si. Oxford sianginn ah zumlotu hna le Pathian ngei lomi shcolar hna nih bia an chim tik ah khrihfa zumhnak kong a dirkamhtu an rak um tawn lo. Asinain Ravi Zacharias nih Oxford ah zung a rak ngeih i, amah nih khrihfa zumtu hna nih kan zumhnak ivennak caah a herhmi vialte a kan pek dih”.”Ravi zakharias hi a nunnak a dih ko nain, a nunnak cu zungzal nunnak thar ah apeh than dingmi asi, amah hi vancung khua ah ka hmuh te dingmi a si, a din cang nain a legacy cu kan sin ah a zungzal in a hmun rih lai.” tiah a ti.

Remembering Ravi Zacharias - WORLD Radio Blog

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha