Nai hrawng cu catial ka zuam lo ngai nain thil sining a vun lang chin lengmang i daite in um a vun har ngai. Cucaah ka tlangtar hi tawite in ka vun tial tuah lai. US politics hi mirum pawl le politician pawl nih fak tuk in an thurhnomh cang tikah President a rak tlin hlan in Trump nih a chimmi cu ‘Washington hnawmthur vialte kan thianh dih lai’ a rak ti.

Mike Pence: The rare times he made headlines - BBC News

2020 campaign an tuah a dongh zan i Michigan ah VP Mike Pence nih capo biaktak in ‘Washington thurhnomhnak hi kan rak ruahnak naak in a rak thuk deuh, asinain kan thianh dih hrim lai’ tiah a nih pah in a chim. Zeitluk in dah US politics hi thurhnomhnak nih a zelh cang timi cu el awk a tha ti lo. A zual tuk ngamsam cang. Cucu Trump nih term khat a tuan chungah a thianh tawk cu a thianh nain a chung in a rak fek i a thuk tuk cang.

NBC's Chuck Todd pressed Mike Pence on Democrats coronavirus claims -  Business Insider

President a tuan kaa in Russia hoax in an tuai lengmang i a hnuah cun impeachment ah an lut. Trump huatnak lih le hrokhrol cu a phunphun in tehte cu an auh hna i, a hohmanh nih an zum hna lo zeicatiah Trump sualnak le Russia he pehtlaihnak a ngeihmi an langhter kho lo.

A hnuah ah cun anmah Democrats pawl hrokhrolnak vialte tu a vun lang dih lehlam. Pi Clinton nih a email thangchiatnak a tonmi phihkharnak caah a hrokhrol in Trump le Russia pehtlaihnak a rak chuahtermi tu a rak si diam!. Hrokhrol in Trump cu sual a puh i hlathlainak a tuahter hna. Trump a hua ngaimi CIA director thing John Brenan nih Obama sinah a rak chim. Cuticun an dawng tein Trump cu tuaitam hram an thok. Khatlei in Liberal media pawl nih Trump chiatnak lawng te cu ni fatin an chim. House democrats pawl nih a rian phuah an rak i zuam lioah media nih lih le hrokhrol thawngpang cu dong loin an rak vorh chih ve.

Tha tein US politics a dawimi nih cun ni fatin in mit le hmaika hram i Trump an dohning hmuh peng cu celhpiak a si lo ngai. An dohning le an huatning tilian a ngan kho tuk. A chungkhar nih celh ding zong a si lo; Trump ca zong ah celh ding a si lo. Rak thla kho hna seh law kedan le pahnat hnawhnak puanchia tluk hmanh ah an chia lai lo. President min le a tuanbia cu a um bal lo bantukin an hloh dih cikcek lai.

By Chuncha

Leave a Reply

Your email address will not be published.