US Citizenship questions cu tlen dih a si cang, cuhlan ahcun citizenship questions hi(100)lawng a si tawn i cu chung ahcun questions(10)hal a si i cu (10)chungah(6)thiam ahcun biahalnak cu awn(pass)a si tawn, atu cu questions (128)bak a si cang i biahalning zong an thlen dih cang. Hi (128)chung ahhin (20)questions hal a si te lai i cu chung ahcun(12)thiam ahcun awn a si cang lai. A har deuh ngai cang lai tinak a si.

A tang vidio hi US citizenship a phi rih lomi caah a thar an thlenmi ka download mi a si. A cung i aihre rawng in an ṭialmi khi biahalnak(meekhun)a si i a tang ah a rang rawng in an ṭialmi khi (a phi) bialehnak a si lai. Credit: Van Bik sawmhal

🇺🇸Breaks News.Us Ummi Myanmar Pawl Ca’ah Thawngpang Thar (Uscis News)🇺🇸 USCIS nih November 13,2020 ah Official in thawngpang an thanhmi ah Tukum December 1, 2020 thawkin, US Citizenship le Green card Interview Phitnak cu an tuah cang lai. Tutan Interview ah hin, Kum dang hnakin biahal nak le Lehnak(Questions & Answers) tam deuh in an hal hna lai ti asi i, questions 12 in 20 tiang atlawm bik an hal hna lai i,10 chungah 6 an phit khawh ( 100 ah 60% ) lawngah Ong( Passed) asi lai ti’ah an chim.

Hi Interview ah hin, English Rel ( Read), Tial ( Write) le Holh ( Speak) tlawmpal cio an thiam a hau lai ti’ah USCIS nih fiang te in a langter. Cupinah, 2021 ah hin Ramdangin Immigration Mi 40000 leng lak kan i tim ti’ah an Official Pages ah fiang te’in an langhter fawn. 🇺🇸🇺🇸🇺🇸 Credit: MC Biklian

US Election Phichuak le A sung thluahmah mi Trump Vote relter ding taza cuainak hna.US election phichuak kong ah Trump le a leitang hna nih vote a dik lomi a um tiah tazacuainak cu an thawk thluahmah. Nihin tiang ah zei tluk dah taza an cuai, zei tiang an phak timi zoh tuah u sih. (1). Pennsylvania November 6 i Financial Times thawngzamh nih an langhter ning ah cun, Trump lei shihni nih Pennsylvania i vote reltu tuanvo neimi hna nih Vote rellio mi zohfel dingin an luhter duh hna lo “denied access” tiah an ti. Nain biaceih lio bak ah a shihni pa nih – “Aw inn chung ah cun an luh ter ko hna” ati tik ah, a case an sung. Vote relter than ding cu reject asi. Federal case an ser nain an sung. The New York time nih a tialnak ah Pennsylvania i vote 1.4 million leng a tangmi absentee( cabawm in kuatmi vote )hna cu Joe Biden votes lawngte asi kha an hmuh. Nain, biaciehtu hmai ah Cu vote hna cu a diklomi asi tiah an langhter kho lo. Lung a hring, nain a diklo an ti kho lo.

(2). Georgia – November 6, ‘The Atlanta Journal-Constitution’ timi nih a tialnak ah – Trump lei nih vote tlaituk in an phan “late vote” an si tiah case an ser. Nain, Judge biaceih bawi sin ah Vote a tlaimi pakhat hmanh an lnghter khawhmi a um lo. Vote vialte cu postmark a dik dih ko caah an case cu hnawl asi than rih. State biaceihnak asi, an sung. (3). Michigan State thil cang – November 7 AP news nih a tial nak ah, Michigan State chung Antrim County timi ah vote relsualnak a um. Vote relmi pawl hi computer nih cazin a khumhmi a si. Database System phun khat nih a khumh. Mah cu System cu update tuah piak lengmang i a phi chuak kha Clerk cazi nih cazin a tuah. Cu tin a tuahnak ah Clerk nih hin update tuah a philh caah mah county caah Vote zei maw zat cu Biden lei tamdeuh in ai tuah sual.( Mah hi Software lei theimi hna nih analysis an tuah tik ah software tlamtling lonak asi nain, a hmangtu fello kha puh deuh asi). Cu tin an zohfel hnu ah Trump nih vote 2494 in a tei than – Nain mah county lawng ah cun asi. Mah hi hrawkhrol in tuah hrammi si lo in, tuahsualmi human error a si. Biden lei vote tampi zong update tuah lo in rel asi ve loh.

Michigan ah hin Trump lei nih vote-rel liomi stop dingin taza an cuai rih, nain an case ah evidence a um lo Why? How? where tbtk a tling lo caah an case cu hnawl asi thiam (CNN) Adang State tete ah tazacuai nain an tlamtlinh lomi a tam ial rih. (4). Republican tampi nih Trump nih sungh a cohlang lomi hi an duhpi lo. Senators Mitt Romney thawk in R Senators 8 le Representatives 10 nih Trump nih tihin sunghnak a cohlan lomi hi an duhpi lo. President hlun George Bush, le US ramkhel ah min nei thing hna, senator thing hna zong nih Trump i sungh cohlan lo kong hi an hna tlakpi lo. ( Ref https://en.m.wikipedia.org/…/Republican_reactions_to…)

(5). Vulei cung mirum bik – Jeff Bezos le Bill Gate hna zong nih Biden teinak an cohlan piak i lawmhnak cu twitter ah an tial ko cang – Mah cu Forbes magazine pi nih a langhter ve. Arizona i an tazacuainak hna cu nih lei a chuak. Mi pakhat nih cabawm in vote a thlakmi ah correction in a thlen thanmi an hmuh. Mah ruang ah cun vote relthan an duh. An case dotla lo tiin case reject a si (AP, Nov 7) A hnu bik ah US attorney general asimi William Barr nih Trump leitang in vote lih um le um

lo hlat dingin Attorneys pawl kha dothlatnak nalw cu nihin ah khan a pek hna. Cun vote thlakmi zohfeltu bawi ah thiahmi kha a rian a phuah thulh. William Barr hi Party lei ttan in rian a tuan sual ah cun, aningcanglomi a tuah mi asi. Nihin ah news kip ah mah hi a chuak. Nain, a tuah khawh cemmi cu dothlatnak committee ser i a phichuah hngah lawng kha asi. By Salai Biak

By Chuncha

Leave a Reply

Your email address will not be published.