Video: Hlasak Thiam He Muidawh He Thinlung Put That He Lainu Van Hlei Sung Na Rak Men Lo

Video: Hlasak Thiam He Muidawh He Thinlung Put That He Lainu Van Hlei Sung Na Rak Men Lo

New Zealand I khua a sa mi Chinram ah Hriphi nungak muidawh le Hlasak thiam taktak Van Hlei Sung hi a lam kip in uar a um hringhran ko. A thil tuah mi pawl hi a dawh mi long te a si. Atu lio Kawlram khuaci kan mui lio ah CDM tha a chuah tu hna caah tiin a hawi le he an ti khawh tawk chawva a petu zong a si. Hlasak thiam he muidawh he thinlung put that he Lainu na rak men lo, Bawipa nih lam in hruai chin ko seh.

Zonet Ṭhazual Award Ah "Best New Artist Lengzem Winner" Mai Van Hlei Sung - VAPUAL AUAW

Kan hnu kum December 4, 2020 ahkhan Zonet Ṭhazual Award Lengzem Best New Artist winner zong Kan farnu Van Hlei Sung nih a kan hmuh piak kha kan theih dih mi a si. Mah hla Van Hlei Sung!! Nih a sak mi kha Rpa Ralte hla phuah ” mi I ṭang ka belh lai khan ” timi hla a rak sak mi kha a si. Cu he pehtlai in Nihin ah Hla a phuahtu pa Rpa Ralte cu Guiter a tha taktak mi laksawng a pekmi cu amah Rpa nih a lunglawmhnak Video in a rak langter mi an kan piah mi kan hmuh.

Lawmh a um kho taktak. Rpa Ralte hrim a lawmh taktak. Hi bantuk lawmhnak laksawng theih in mi cungah dawtnak langter tu rak si hi kan Farnu Van Hlei Sung cungah upat le zohchun a tlak hrim. A cohlan tu ca hrim ahkhan lung amui lo awk a tha ve lo. Kan Farnu Van Hlei Sung nih atang catlang te hi a tial mi a si. A talented mi ah cun a toidor cem. Ka thluachuah pakhat bak asi ve mi brother RPA.  Credit: Van Hlei Sung. Note, Video lawmhnak a chimmi atang bikah rak zoh te.

May be an image of 1 person

Min Aung Hlaing nih U Ni Win bantuk in nawlngeihnak ka lak ve mi hi phung ning te a si ko a ti mi cu palh tuk: Nihin tiang rampi nawlngeihnak lak in ralkap cozah sertu Min Aung Hlaing nih February 22/2021 ni ah media hna siseh mipi zong nih Nawlngeihnak latu Ralkap cozah (စစ်အာဏာသိမ်းအစိုးရ) tiah nan hmang lai lo, Nawlngeihnak kilkawitu cozah (အာဏာထိန်းအစိုးရ) tiah nan hman lai tiah thawng a thanh. Min Aung Hlaing nih tutan nawlngeihnak a lak mi cu 1962 lio i U Ni Win nawlngeihnak kha chirhchan in ka lak tiah ati. Hihi Min Aung Hlaing nih zeihmanh a rak hngalh lo ning a langhnak a si.

1962 kum i U Ni Win kut chung ah nawlngeihnak a rak um mi cu amah Ni Win nih nawlngeihnak a lak mi a si lo. General Aung San Thih hnu ah Prime Minister tuan mi U Nu nih nawlngeihnak a pek tu a si. Phun dang in chim ahcun Martial law hman lio caan kha a si. U Nu nih U Ni Win sin ah nawlngeihnak a pek caah Nawlngeihnak latu Ralkap cozah (စစ်အာဏာသိမ်းအစိုးရ) tiah rak kawh a si lo, Ralkap cozah စစ်အစိုးရ ti a rak si. a ruang cu Ni Win nih nawlngeihnak kha hramhram in a rak la lo. a pek in rak pek mi nawlngeihnak tu kha a si.

Ni Win nih kawlram a uk lio ah Aung San chan i kan rak ngeih mi phunghram 1947 phunghram kha a thah i One party socialist sate in a rak uk. Ni Win ralkap cozah lio ah ram hruaitu hi atu le tu in an rak i thleng nain Ni Win cu a nawlngeihnak taktak kha a dong kho lo. Ni Win hlan hi Union of Burma (1 948–1974) tiah rak kawh a si. Ni Win nih ram pi a uk hnu ah Socialist Republic of the Union of Burma (1974–1988) SRUB in a uk, Party a dirh mi cu Burma Socialist Programme Party ti a si.

 

1974–1988 kar Ni Win uknak tang ah hruaitu hna cu, San Yu 1981 -1988 ni 261, Sein Lwin 1988-1988 ni 16, 1988- 1988 ni 17, Maung Maung 1988- 1988 ni 30, Saw Maung1988- 1992 kum 3 le ni 17 chung tiin an uk. Union of Burma/Myanmar (1988–2011) uknak hi Than Swe chan hlan deuh U Saw Maung uknak in a hung chuak. U Saw Maung uknak hnu ah Than Swe sin ah uknak a hung phak than tik ah ralkap nih aherhnak zawn poh ah nawlchuah in ram a hruai. Chim duh mi cu 2008 tiang hi nawlngeihnak chuh si loin ralkap nawlngeihnak fehter chan a si.

Ni Win nih ralkap cozah cu a hruai hnu 1988 kum ah ralkap cozah cu U Than Shwe kut tiang lanhter a si. Hi zong hi Min Aung Hlaing nih nawlngeihnak a lak ning he cun aa dang rih. 1988 kum U Than Shwe ralkap nawlngeihnak cu 1962 U Ni Win nawlngeihnak a peh kha a si. Ralkap uknak kan duh lo tiah mipi nih duh lonak rak zawh ruang ah U Than Shwe nih ralkap uknak a fehter than mi a si. Asinain ralkapuknak ciocio ah U Than Shwe uknak le U Ni Win uknak hi aa dang ngai. U Ni Win chan ahcun Socialist Party in a rak uk. U Than Shwe nih Socialist ukank a hrawh than ve i ralkap uknak tling taktak in uknak a ser.

Min Aung Hlaing nih ralkap nawlngeihnak a lak mi le Ni Win chan in Than Shwe chan ralkap nawlngeihnak an hman ning hi aa khat lo. Ni Win Chan le Than Shwe chan ralkap nawlngeihnak cu “Ralkap cozah” စစ်အစိုးရ ti an rak si. zeicatiah nawlngeihnak kha an chut hna lo, ralkap nawlngeihnak fehter nak caah nawlngeihnak kha an rak i pe. U Nu prime Minister a tuan lio ah ramkheel lei buainak, ramchung chawlehthalnak le zauk phung kong ah a rak buai tuk caah U Nu nih martial laws phun in Ni Win sin ah a rak pekchanh mi nawlngeihnak a si. Martial law in ralkap sin ah nawlngeihnak pek mi cu ral kap nih an thalh duh ti lo caah 2008 tiang kha ralkap nih ralkap cozah an sernak a si.

Min Aung Hlaing cu a ho hmanh nih nawlngeihnak an pek mi a si lo. An theih pimi a si lo. Zantim ah a fir mi a si. Rampi hruaitu a tlaih hna, Party zung cu suamhmang mifir zia in a luh hnawh, mipi le ramkheel hna zong zan lawng ah a luhhnawh hna. Hriamnam ngan he uknak a lak. Cucaah Min Aung Hlaing hruai mi cozah hi Ralkap cozah (စစ်အစိုးရ) ti loin ning cang loin Nawlngeihnak latu Ralkap Cozah” (စစ်အာဏာသိမ်းအစိုးရ) a si. Hi kong he pehtlai in Min Aung Hlaing nih mipi le media hna sin ah Nawlngeihnak latu Ralkap Cozah (စစ်အာဏာသိမ်းအစိုးရ) kan ti hlah uh, na kan ti ahcun taza kan cuai hna lai, cucaah Ralkap cozah Nawlngeihnak latu Ralkap Cozah (စစ်အစိုးရ) tiah nan hman lai ati mi cu cohlan awk a tha lo.

Min Aung Hlaing chan ahcun uknak a lak ruang ah mipi nih duh lonak langhter a si. cucaah Min Aung nih Ni Win te hna chan bantuk in le phung ning tein nawlngeihnak ka lak mi a si ati mi cu a palh tuk. Kawl ram ramkheel tuanbia ahngalh lo zia alanghnak a si. Cohlan awk a tha mi zong a si lo. Tutan a thiltuah mi hi mipi nih caan tha lak in doh ko hna usih. 1962, 1988 bantuk in tlorh ti hlah usih. By Rolian

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

Leave a Reply

Your email address will not be published. Required fields are marked *