Ngakchia bawhte chuahka zei theih lo hi ti rumro in sawngkhawi i vung tom in vun chiah ko cu thinlung nih a celh hrim lo, Hi hringtu nu hi minung thinlung a keng ko hnga maw? Mah fa chung chuak a si ko mi zeitin dah hi ti hin a tuah siang hnga? Zoh ah hin thinlung a kek dih ko.

Kanmah zumtu mi caah cun “ Fa le hi Bawipa sin in kan hmuh mi ro an si. Thluachuah a kan pekmi a si tiah Salm 127:3 ” ah fiang tein kan hmuh. Bible tampi ah ro timi biafang hi kan hmuh lo tiah bible hiamsang nih a kan cawn piak mi asi. Ro timi hi a sawh sawh cu a si hrim hrim lo. Zei dang vialte cu pek a um ko nain ro timi biafang hi cu nu le pa sin lawngah hmangmi biafang a si fawn.

Mah hi laimi chung zongah a rak um pah lengmang mi kan rak theih lengmang, tih a nung taktak mi thil a si hi kan I hngalh tawn lo, Minung cu kan duh lo mi thil nungak tlangval lio ahcun Accident zong a chuah kho/ton khawh kan si ko. Kannun chungah kan min a chiatlai tiin I thahter si lo ah he hlawnh ti bantuk kan hmang pah tonmi hi sual vialte lakah sual ngan bik kan tuah ti hi kan I theih fiang lo caah a si.

Zei bantuk in thil tong ko uhsih, na chungah minung a ser cang ahcun lunglawmh tein pawm ko, tha tein hring khawh I zuam ko, mah nih khan thluahchuah an phawrtu le nungchung hnangamnak an pe tu a si lai. Vawlei cung a uktu Bawi a si ko lai. Cu caah hi bantuk thil kan hmuh mi hi a sawhsawh ah ruah lo in zeidah fim a ka chim ve mi a um ti mi hi I lak thiam uhsih.

Hi thil kong he a pehtlaih in acangnak hi a diktein kan theih lo, Thailand lei sidawh in lang I cu zong cu ruahdamh sawhsawh asi. A video kan hmuh tikah thinlung a khoih tuk caah kan fanu le hna nih hi bantuk tihnung an tuah sual nak hnga ralrinnak ah kan rak thlah duh bikmi cu a si. Cu caah a reltu nih a ruahzia nan thiam cio I fimnak ah na kan lak piak cionak lai zong zangfah kan I nawl ko hna.

Video Ref: Le bang Hni

By Chuncha