Falam palik (Police ) pakhat Corporal Sai Thang (Thar Nge) cu Ralkaap uknak duh lo in, CDM ah ka tel thlang asi tin mipi theih tir nak anei. Cun palik in asuak lantum lo thu khal arel bet. Ram buai sung mipi thawn tangrual in duh phorh nak Langtir ding ka duh ati. Hi vek palik le ralkap mipi lam țang kan neih tik ah ‘ Palik dangin an kaih lo nak dingah mipi lamin ‘thei tawkin kilhim hna kan thiam atul zet ding. Credit: CKM  Video atang bik ah zoh khawh a si lai.

CDM thawnnak caah caan karlak cozah (Interim Government) ser a herh: Tuzing Dr.Sasa VOA interview an tuahmi ah caan karlak cozah (interim government) dirhnak kong a thluamtlam in a chim. Fully support ka pek hna.CDM a thawn khawh chinnak ding le pehzulh khawhnak ding ahcun caan karlak cozah ser a herh.Caan karlak cozah a dir khawh ahcun ramdang palai thlahmi vialte zong ramkip nih rak cohlan dingah lam ai awng lai.Ralkap thlahmi palai pawl an cohlang hna lai lo.Cutikah ramdang pressure nih ralkap cu mangkhong bantukin pakhat hnu pakhat in a nenh hna lai.Cun UN zongah phung ning tein bia chimnak nawl an ngei kho lai.

 

NLD party nih tulio kan boruak ah caan karlak cozah dirh duh loin 2020 thimnak ah mipi thimmi teitu kan si ti lawng an i tlaih ahcun ram pumpi dawtnak nakin power lawng a duhmi Party zong an lo sual lai.Ralkap dohnak ah NLD lawng in a si khawh lo zia cu a fian ko caah lam thar kawl an hau.NLD nih Rakhain mipi an lung an ton lo mi hna tiang ruah ahcun caan karlak cozah ser khawh ahcun lung i hmuh thannak lam zong a um kho men.

Caan karlak cozah ahhin Daw Suh le President cu house arrest in an um caah anmah tel loin a si kho maw? timi bia halnak a um kho.Cucu anmah NLD lei hruaitu biakhiahnak a si lai.Tlangcung mi mifim tampi an um i anmah zong caan karlak cozah ah an i tel ve a herh.Cutik lawngah 2008 phunghram ah kir ti loin kawlram mipi vialte nih ralkap thahri hram vialte hrawhnak ding caah CDM cawlcanghnak kan tuahmi ah a kan funtom chin chin lai. Kan i hmuitinh mi tlamtlinnak taktak tiang phak ding ahcun hruaitu kan herh i cu a kan hruaitu ding ahcun caan karlak cozah ser hi a phi (solution) a si ti hi keimah pumpak ruahnak a si. Credit: Salai Tin Maung Win

US LE WORLD BANK NIH RALKAP COZAH PAISA AN PHIH PIAK. MYANMAR ELECTION TUAH THANNAK DING KONGAH ASEAN RAM CHEUKHAT NIH AN HNATLA.(Tulio Myanmar ram Politics kong zohtha’nnak): Ralkap hruaimi Union Administration Council (UAC) cu tuchunni tiang Mipi duhlo langhter nakin Myanmar ram pumpuluk ah buainak a chuak cang. Amahbelte tulio cu NLD le Kawl Party cheukhat pawl nih an tuahmi General Strike Committee(GSC)le Taingyinta fonhkomh General Strike Committee Of Nationalities timi (GSCN) ti’in Phuhnih ah an i then i, GSC nih hin 2008 Phunghrampi dirkamh in Democracy Federal sersiam le Daw Suukyi le U WinMyint chuahter ding an i timh i, GSCN nih cun, 2008 Phunghrampi hrawh i, Federal Democracy tu sersiam i, tulio Politics kongi thongtlami vialte chuah dih dingin an aupi ve.

May be an image of 6 people and text

US President Joe Biden nih 10/2/21 ah khan Myanmar Cozahpi nih an rak chiahmi Federal Reserves Bank Of New York i US $.1 billion cu hrenpiak dingin executive Order a rak signed cang. Myanmar ram nih Foreign Exchange Reserves paisa a ngeihmi hi US $ 5.7 billions asi i, a tam bik cu Singapore i DBS Bank, UOB Bank le OCBC Bank pawl ah a chiah hna ti’ah World Bank/ IMF nih an theih i, hi hna zong hi khar piak an i tim cuahmah lio asi ti’ah theih asi.

22/2/21 ah khan World Bank President Mr.Jim Young Kim nih Myanmar Paisa chiahmi le bawmhnak ding hna thlaknak vialte a phih piak dih cang ti’ah Ralkap Finance Minister U. Win Shein sinah thawng an thanh dih cang. Cu ca’ah Ralkap Cozah hi Sau a nguh hrim hrim lai lo kumkhat hmanh Cozah an kalpi khawh zumh a um lo. UN Secy- Gen nih cun, Myanmar ram ah Mipi Cozah Democracy a chuak tha’n hlan lo Ralkap Cozah hi a phunkipin kan hrek hna lai ti’ah Nizaan khan a chim tha’n.

No photo description available.

Ni.25/2/21 khan tulio ASEAN ram hruaitu lami Indonesia Foreign Minister Ms.Ma Sudi cu leh -lang in Kawlram rak tlawng aa timh na’in News a leakout ca’ah a thulh tha’n i, Ralkap Foreign Minister U Wanah MaungLwin tu kha 24/2/21 ah Bangkok,Thailand ah kalin i tonnak an nei ti’ah AFP News nih a chim. Ms. Ma Sudi nih U. Wanah sinah Myanmar Election thar an tuah tha’n dingmi cu ASEAN meeting ah kan ceih tha’n lai i, a tu ah cun Ramchung ah remdaih ter le Suukyi tiamin Politics thongtlami pawl chuah dih dingin a nawl.

Thailand Foreign Minister he zong an i hmu i, Myanmar ram chung Politics buainak ah Thailand cu i hrawlh kan i tim loh i, Mipi cu kahlo/ harnak pe lo dingin le Election tuah piak cawlh dingin an hal ti’ah AFP nih a chim. A chim ningah Myanmar Election thar tuah zok zok i Mipi sinah Democracy pek tha’n dingin a duhmi ASEAN ram hna cu Thailand, Cambodia, Vietnam, La’os le Indonesia pinah China zong asi ti’ah AFP News nih a tial chih.

May be an image of 1 person, standing and text that says "WORLD BANK Jim Young Kim President, World Bank"

U.Thein Shoe hruaimi UEC thar nih cun thim nak Myanmar ramah tuahthannak kongah ram chung Political Parties 53 sinah 26/2/2021 ah Meeting nei dingin Nyphidaw ah a auh hna. Ramchung Party lian PPP, KNDP, KSPP, ANP le ZCN( Zomi) telhin Party tam u nih tel dingin an hna a thla cang. NLD le SNLD le Party cheukhat nih kan i tel lai lo an ti.

ZCN hruaitu nih cun, Ralkap Cozah maw, NLD Cozah maw, a ho nih an tuahmi Election kong ah kan Party le kan Mipi( Zomi) kong asi ca’ah kan nih cu kan i tel ko lai ati. CNLD le A-CNP nih cun zeihmanh thawngthanhnak an nei rih loh. ANP le KSPP nih cun, NLD an i tel lo zong ah kan nih cu Taingyinta Party kan si i, kan ram le Mipi ca’ah Federal Union/Democracy duhmi kan si ca’ah kan i tel ko lai. Kan i tel lo zongah Ralkap Cozah nih Election an tuah tho tho ding asi ko. Kan ram le kan miphun a duhdawt tu poh nih cun an kan Votes thiam thiam ko lai. a kan duh lo tunih cun, NLD maw, USDP maw an Vote ve thiam thiam ko lai..Cuca’ah kan nih cu 2021 an tuah dingmi Election ah Taingyinta sinakin kan i tel lai ti’ah KSPP VP nih a chim.

May be an image of 1 person and text that says "UNITED NATIONS"

2010 thimnak ah NLD nih 2008 Phunghrampi tangah Election kan tel kho loh an rak ti na’in Ralkap Than Shwe Cozah nih a rak tuah tho tho. Cun, 2012 Bye- election ah NLD cu an i tel i teinak zong an rak hmuh na’in a hnu ah Taing -Yinta pawl kha a pheu tha’n hna. 2015 zongah U. Thein Sein UEC nih”Free & Fair”te’in thimnak a rak tuah i NLD nih teinak an hmuh i, U. Thein Sein le General MinAungHliang nih Nawlneih nak tha te’in an rak pek ko hna.

Cuca’ah, tu bantuk asi ah cun, Sr General Min Aung Hliang hruaimi UAC Cozah nih hin Kum khat pin Myanmar rampi hi a hruai khawh an zum cio loh. Tuhnu kumkhat ah cun Mipi sinah Democracy Nawlneihnak a pek tha’n zumh cio asi ko. ( Za rih seh- kan peh tha’n te lai.) credit: MC Biklian

May be an image of 1 person, standing and text that says "INDONESIA"

Adang relhuam mi<< Hriam Tlai Pawl Cawlcangh An I Tim.(Chin State Chairman Hohmanhnih An Tuan Duh Loh) February Ni-1 in tuchunni February 16 tiang Myanmar rampi cu Ralkap uknak duh lo’in ram pumpuluk ah Democracy duhin Mipi nih Duhloh nak an langhter i, Cozah riantuantu pawl nih Zung kai duhlohnak Civils Disobedience Move – ment(CDM)nih Min Aung Hliang Ralkap uknak cu Awlawkchawng in a tuah cang ko hna.

Ralkap Cozah nih Daw. Suukyi le U. Win Myint cu Court ah an khinmi biaceih ding cu February Ni.17,ah Nyphidaw i Yebuh Thirih District Court ah Video Conferencing in an chuak lai i, mipi zeimawzat nih hmuh khawh lai ti’ah NLD Taya Hluatdaw Sihni U.Khin Maung Zaw nih a chim. Cun, NLD Senior Adviser U. Win Thin zong Ni. 19/2/2021 ah an chuahpi ve lai ti’ah RFA nih a chim. Suukyi hi Nyphidaw No.A-33 ah a mah PSO Mai. Cherry Htet le U. Zaw Hte telhin Mi-8 he le U.Win Myint cu No.A-29, Yeyah Theindih ah chungkhar-10 he dam te’in an um ti’ah NLD hruaitu U. Kyi Toe nih 13/2/21 ah khan a FB ah a tial.

Ralkap Cozah nih 14/2/2021 ah CNLD in Hakha Pyine Hluatdaw-1Pu.Siang Mang cu Chin State Administration Council Chairman ca’ah Ralkap Cozah nih an sawm na’in a duh loh i, cu hnu ah Hakha No.1 thiam thiam i Independent in a cuh mi Pu.Thla Hre zong February 15, 2021ah SAC Chairman dingin an sawm na’in a rak hnon ve hna ti’ah thawngpang kan theih.Tuan deuh 3, February ah khan CNLD Chairman Pu. NgaiSak an rak sawm cang na’in a rak el cang hna. Atu State CAC tuan dingin a hna tla mi cu,USDP in Pu.Ngun San Aung le Teddim in Pu. Go Suan Khai nih ka pawm loh a ti na’in a thlithupin ka pawm ati tha’n ti’ah theih asi. Cun, Tonzang-1, Mindat-1,Paletwah-1 nih mi theih lo’in Minister tuan dingin an hna a thla cang ti’ah theih asi. Tawmpal ah Teddim/ Kawl Ralbawi chiah an timh ti’ah thawngpang a um i, Pu. Hungngai min zong a van lang cang.

Chin State Khuapi Hakha, Falam, Teddim,Than tlang, Matupi le Mindat etc.zongah duhlo Lam zawhnak an nei cio i, culak i Mino hruaitu pawl cu CNLD hruaitu lawngte deuh an si. Ralkap nih tlaih ding an kawlmi ah CNLD Mino hruaitu asi mi Salai. Ngun Sang Aung le Elishama an si. Falam le Matupi lei zongah an mah CNLD Mino thiam thiam an si ko. Chin State i NLD MP le hruaitu a timi pawl cu, an muisam a de ruam ti loh. Ram ka daw a timi Putar pawl zong an dai dup cang ti’ah thawng kan theih.

CNLD CEC thar cu Mino le Pa valai lawngte an thim hna. Party Chairman ah Pu. NgaiSak le G. Secretary ah Salai. Ceu Bik Thawng an thim i, Pu.No Than Kap le Pu. Zo zam cu kan upa cang ti’ah thim nak ah an i tel lo i, Party Counselor ah an chiah hna i, Patrons-4, Vice-Chairman-4 le CEC-27 an thim hna ti’ah thawng theih asi. A ruah hlanah Official Statement an chuah te lai.

Myanmar ram Taingyinta hriamtlai phu NCA le Northern Alliance PPST Chairman General Yuk Sep ( SSA) sinah Pa-Oh PNLO nih Caathanh Ni.13/2 ah nak chuahin Ralkap le Kawlram kawng ceih ding an hal bantukin 19/2/2021 ah Video Conference in Meeting an nei lai ti’ah theih asi.

Cun, 24/2/2021 ah khan Karen KNU nih thawng thanhnak Caa an chuah cawlh ve i, Ralkap Cu Myanmar ram buainak remhfel dingin le Mipi buainak pek lo dingin an nawl. Mipi Lamzawh nak nan kah hna ah cun, kan veng hna lai ti’ah an thanh.

Myanmar ram Politics kal ning hi tih nung ngai ngai asi. Taluk Ralkap hi Yunan State, Kachin ramri, Wah, Kukant le Northern Shan State ramri ah an i chiah dih cang. USA , S. Korea le Malaysia Embassy riantuantu cheu khat hna cu Tuzarh chungah Myanmar ramin chuak an i tim. Embassies Zung cu awn asi ko lai. Cuca’ah Kawl Ralkap pawl Nyphidaw,Yangon,Mandalay le Myitkyina ah Tanks le Air Forces pawl ralring te’in an um dih cang.

Nizaan chun khan NAC meeting cu Gen. Min Aung Hliang hruainak in an nei i, an biachahnak cu hro a kual ko. Ramchung CDM le Nikhat hnu Nikhat a thong chin lengmang i,Democracy duh mi Mipi nih teinak a hmuh dengmang cang ko. CDM pawl ca’ah Poisa thlakhat ah Ting-2 an bawmh hna ti’ah theih asi i, ni- 15 ah Tingkhat an pek rua. Hi Ph hi aherhmi ca’ah ka van tial chih.( 09260143939). Zeipoh si’ah Ramchung um mi pawl ralring te’in um rak thiam cio ko ne uh Law.

By Chuncha

Leave a Reply

Your email address will not be published.