Aung la N Sang a sungh ruangah ngakchia pa te cu ngam khawh ti lo tlik in a tap ko. A ngaih a chia kho taktak. Ahnu ah a tei than ko lai tiah a nu nih a hnemh zongah a ngah bak lo, ngakchia hmanh nih hi tluk in Aung La N Sang an tanh hi cu an mawh ve bak lo, a ruang cu a luancia a thuami vialte ah a thiambik le a thawng bik a sip eng caah a si.

Tuzan Singapore i Aung La N Sang le Reinier de Ridder an i phomh ding kan in ngaih tuk cio ning le mi tampi nih Aung La N Sang nih fawi tuk in teinak a hmu than lai tiah kan ruah lio caan ah a sung diam ko, a poi kho taktak si. Aung La N Sang hi tutan a thuat cu voidang a lo bak lo, A seihchiah tuk deuh in a lang sual. a mawh ve pah lo tu lio zawtnak he a thuat lonak a sau pah cang i a si kho ve. a thuatpi mi mirang pa Reinier de Ridder zong hi mi sawhsawh cu a rak si bak lo pathawng taktak a si ve.

Tuzan an i phomh ning van zoh tik ah pathawng veve ti tak ah zoh an nuam ngai pin ah Aung La N Sang tanhtu lai mi vialte caah cun a poi bak ti lo cu chim ding a um bak lo, Aung La N Sang nih ceilak in phom than seh ti a duh mi kan tam ngai lai lio ah chikhat te ah a hung tei cu kan i zum kho cio lo, That tein an i thuat nak video van zoh tik ah Aung La N Sang nih a tei pah ngai ko nain Reinier de Ridder hi a van tha i Aung La N Sang kha a hngawng bak ah cawl kho loin a van rek i a dongh nak ah cun a celh ti lo si lai cu a sungthuat ve.

Image may contain: 4 people, text that says 'MIDDLEWEIGHT WORLD CHAMPIONSHIP diacorp mediacorp 3ND (C)AUNG LA AUNG MIXED MARTIAL ARTS ONE Championship 4:15 DE RIDDER'

Cheukhat cu zohding timhtuahnak kan in sersiam ahkhin a hung dih manh ti awk in a tuah. A hawitha bak Martin cu a sungh ve diam i, a poi kan ti cio ko. An kawi pa Tial Thang nih inn ah dam tein kan kir than cang, teinak he kan rakra than te lai tiah a timeline ah a hung tial mi nih tampi thazang a kan lak ter ngai. Vawlei cung cu sungh um phun a si bantuk in aung caan zong a um ve lai cu, awn caan long kha kan bawh ding a si lem lo, cun minung hi a ho poah nih ruah lo pi in i tei khawh a si t ii fiangnak pakhat zong a sui fawn.

Aung La N Sang a tei tu pa hi ka chim cang bantuk in mi sawhsawh ah rel hlah uh sungh a ngei bal lo mi a si, a record van zoh tik ah sungh a ngei bal lo voi 13 bak teinak a hmuh cang mi a si. Kan lawmhpi hringhran ve. Champion pahnih kep in a la mi Aung La N Sang hna vung tei ve cu a nuam lo awk a tha ve lo, hmailei ah caan tha a um than te ko lai dah, an i phomh than khawhmi zong a si kho ko. Aung La N Sang cu a inn te ah an phan hnu in video in amah dawtu sinah a hawi pa he an thut lio ah bia a hung chim. An mit hmai zoh hrim in zang an fak ngai ngai. Kha video a chimnak zoh khawh a si.

By Chuncha

Leave a Reply

Your email address will not be published.