Bia an i lehnak a tanglei ah ka tar chih. Keimah hmuhning zong tawite ka langhter.

Media nu: Corona virus zawtnak testing kongah cun ramdang vialte naak in US hi a tha cem kan si tiah voitam ngai na chim cang.

Trump: Si ko.

Media nu: Zeidah na duhnak a si? Nifatin in American an thih cuahmah lioah vawleicung ram na zuamcawh lengmangmi hna hi zeidah na duhnak a si? Nifatin in a zawmi case thar an kan hmuh peng fawn?

Trump: A si. Vawleicung ram kip ah minung an thi lengmang ko. Mah hi biahalnak hi Taluk na hal hna awk deuh a si. Rak ka hal hlah. Taluk kha va hal hna. Ok? Kha biahalnak kha na hal hna tikah naa ruah lo piin an in leh khawh men.

Media nu: Sir, Mah cu keimah theng te cu na ka chimh? Taluk cu zeiruangah dah ka hal hna lai?

Trump: Aho theng hmanh kan ti hna lo. Hi bantuk bia dawhcah lo a halmi paoh ka ti hna.

Media nu: Bia dawhcah lo biahalnak a si lo.

Comment: Asian nu le President Trump an lehnak hi atu lioah a linsa ngai. Cu hlan deuh zong ah Asian nu nih duh a nung lo ngaimi bia a rak hal bal cang. Atu ah midang Asian nu nih a hal than. Tutan cu Trump a mawh bak lo.

A biachim aa dawhcah lo ngai. “American minung an thih cuahmah lioah testing kongah US a tha cem kan si tiah vawleicung ram na zuamcawh lengmang hna. Zeidah na duhnak a si?” tiah a hal. Thinhun phu ngai a si tiah ka ruah ve. Zei bantuk President hmanh nih an duhmi biahalnak a si lai lo.

President dang zong si hna seh law Trump bialeh bantukin an leh lo hmanh ah bianeng in fak taktak in an den chih hrimhrim lai tiah ka zumh.

American minung tam ngai an thih le thih lo cu um seh law biatak tein Trump cozah zuamnak thawng in testing kongah a thawng cem ah an cang tak cang ko. American mipi sinah an riantuan hlawhtlinnak a chimmi a si. Asinain Asian nu nih bia merhpiak phun le huattlai phun in a halmi cu an rem cio hrim lai lo.

Asian nu a siah a dangdang an siah Trump nih a lehning hna hi aa tlak ko rua tiah ka ruah.

Video zong ka tar chih! Ref: Luther Tin Hre

By Chuncha