Tu zarh dongh Australia, Victoria i AFL Grand Final ah mipi ngiatthlainak caah drones hman hi Victoria state lockdown zawtnak in an luatnak dingah a biapi tuk hrinhranmi a si tiah Collingwood President Eddie McGuire nih a chim. Tuzarh zarhteni Grand Final ah Victoria palik hna nih Khawlak, Park le Beach pawl telh in mipi chawkvak ngiatthlainak ah Camera zuangkhomi Drone le Helicopter an hman lai.

Atu Melbourne COVID-19 khamnak ah hin innchung ah a bu i ipumh khap a si. Inn 2 minung 10 nak tamlo leng ah i pumh khawh a si. McGuire nih tuchun i a chimning ah Drone hman ding hi an duhnalo in hman a herh ruangah mipi nih an cohlan awk a si tiah a chim. “Tuzarh dongh ah a ho paoh nih dikte in thil an tuahzulh, hi thil (drone) hi a caan ah cun mipi a domhkan khawh lai ka zumh.“Melbourn mipi hi a luancia thlaruk chungah khan ngaihchiat vansannak kan lanhtak.

Cu ngaihchiat vansannak chung ah cun kan um manh deng mang, cu bantukin Grand Final zong ah cu harnak ton khawhmi cu lanhtak hna u sih, Chrismas tiang zong ah ruahchannak he.” Ngandamnak zulhphung a phohpian (zullo) mi cu $1,600 in $5,000 tiang dantat khawh an silai.

Asistant Commissioner Luke Cornelius nih a chimning ah “Palik pawl riantiannak bawmchantu ding ah khawlak ah hman ding Drone palik sin ah pek an si”“Drone nih mipi pumpak hnu a dawi lengmang lailo, a sinain palik nih mipi an tam deuhnak ngiatthlaitu ah an hman lai.

Amazon.com: DJI Mavic Air Quadcopter with Remote Controller - Onyx Black:  Camera & Photo

“Mi inn kiangkap ah motor tamtuk hna kan hmuh ah cun, cu bantuk cu zei thil dah cang tiah kan va zulhdawi hrimhrim lai.” McGuire nih a chimning ah Melbourne chaklei khawpi lengdeuh vak i a ummi sang, sang 5 ah Covid-19 ralrinnak kalpi a si rih ruangah pulhrai karh lai a phan um rih. Cuka sang i a ummi Dallas, Roxburgh Park, Broadmeadows, Preston le West Heidlberg hna cu a rannak i Covid-19 test ngei dingin chimh an si cang tiah a chim. Credit: CBN News

Cheap Raw Audio X2 Camera Drone | Harvey Norman AU

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha