Vice President Mike Pence Vs Kamala Harris Debate: Tuzan Washington D.C caan zan suimilam 9:00 PM ah Republican Vice President Mike Pence le Democratic Party Vice Presidential candidate Kamala Harris cu biaraldohnak an ngei lai.

Mike Pence nih President Trump vision a chim lai i, Kamala Harris nih Joe Biden vision a chim ve lai. Mike Pence cu nan theih cio bantuk in khrihfa tha, zumtu tha a si. Kamala Harris cu khrihfa zumhnak hrampi a uar lem lomi a si. Nule nu, pale pa thit-umh sual tuahnak te hna a pommi liberal democrats a si. Tuzan ah US domestic policy lawng si loin ramdang policy zong an chim lai tiah zumh a si. Aho policy dah nan uar deuh rak zoh cio te uh. By Salai Lairamthang

𝗧𝘂𝘇𝗮𝗻 𝗩𝗜𝗖𝗘 𝗣𝗥𝗘𝗦𝗜𝗗𝗘𝗡𝗧𝗜𝗔𝗟 𝗗𝗲𝗯𝗮𝘁𝗲 𝗔𝗻 𝗧𝗵𝗮𝘄𝗸 𝗛𝗹𝗮𝗻 𝗔𝗵: Vice President (VP) a rian kong tlawmpal vun zoh hna u sih. A voikhatnak Presdent Debate kha cu an bia ngaih awk zong a rak tlak huaha lo, an duhmi zong an chim kho veve lo pinah zohchuntlak a si lomi ah zapi nih ruah a rak si. Cucaah tuzan hi Vice President (VP) an i thimmi hna pahnih nih zeitluk indah an bawmh khawh hna timi cu an cuanh cio hna.

𝗩𝗜𝗖𝗘 𝗣𝗥𝗘𝗦𝗜𝗗𝗘𝗡𝗧 𝗿𝗶𝗮𝗻 𝗰𝘂 𝘇𝗲𝗶𝗱𝗮𝗵 𝗮 𝘀𝗶? Vice president cu President i a orhlei kut le a mi zumhbik, cun amah tluk in a tthami a si. A rian biapibik cu President a thi, asiloah a rian in tthumh a si ahcun amah kha President ah kaiter a si. Atu hi Trump cu Coronavirus a ngeih caah pakhat khat a can i President rian a ttuan kho lo ding a si ahcun Vice President Mike Pence a rian cu President ttuan kha a si lai.

Mah bantuk cu USA tuanbia ah a um ttheo. Franklin D. Roosevelt cu ruah lo piin a thluak-thi chuah caah a thi i Vice president Harry S. Truman cu president ah a rak kai. J. F. Kennedy a thih ah Vice president Lyndon B. Johnson nih president rian a tlaih. President Richard Nixon nih Water Gate ruang ah a rian chuahtak caah Vice president Gerald Ford cu president a rak si.

Vice President cu phungning tein Senate hruaitu a si. Senate ah Senator 100 an um i vote thlak tikah 50/50 a si ahcun amah nih a donghnak cu a ngeih. USA vice president si khawh nakding ah American si a herh, i a tlawmbik kum 35 a si lai. Cun USA ah a tlawmbik kum 14 khua a sak a herh. Vice president paoh hi huham an ngei in an lar lo. George W. Bush vice president Dick Cheney belte kha cu 2001 i ralhrang nih USA a phomh hnu khan USA politics ah nawl a ngei bakmi le VP tiah theih a si.

USA ahhin atu tiang cu Vice President ah nu an thim bal rih hna lo. Asinain 1984 ah khan a voikhatnak bik nu VP caah Democratic in aa cuh ding Walter Mondale nih Geraldine Ferraro hi vice president caah a rak i thim. Asinain Ronald Reagan le vice president G. Bush nih an rak tei hna. Mah hnu cun nu hi vice president caah an i thim ngam ti hna lo i 2008 belte ah khan John McCain nih Sarah Palin cu vice presiednt caah a rak i rawih nain Obama le atu i president aa cuh ding Joe Biden nih an tei hna.

Asinain tutan ah ruah lo piin Joe Biden nih Kamala Harris cu vice president ding ah aa thim tikah hin ruahchannak a tlawm ngai ko tiah ruah a si. Atu i Vice President a ttuan liomi Mike Pence hi Trump nih a chilh tuk nain Khrihfa pawl a hleiin Evangelical pawl nih an uar tuk. Mah cu hna pawl cu Khrihfabu hmanh ah Nu pastor ttuan le hruaitu a lu si ding ah a duh lem lomi deuh khi an si hna. Cu tikah biatak tein Pence hi an dirkamh i an uar.

Trump hi kum 74, Joe Biden hi 78 a tling deng cang i USA president ah a kum upabik an si lai. Cu tikah kum li chungah zeidah a cang kho? An nunnak a liam sual a si cun Harris maw, Pence dah president ah aa tlakdeuh lai? ti hi American mipi cu biatak tein an ruat lai i tuzan an Deabte cu an zoh cio ko lai. Kamala Harris kong tawi: https://www.facebook.com/teirialcatialtu/posts/2740413629613822 Nan hmuhning a tang comment ah zalong tein ttial khawh a si. Na SHARE thawng in Laica reltu nih an rak hmuh ve caah kan i lawm. Cc: NRK / ABC NEws / Wikipedia. By Teirial Catialtu