President hlun Barack Obama cauk thar “A Promised Land” cu an chuah ni khatnak ni sml. 24 chung ah uk 890000 an zuar khawh caah USA president pumpak kong tialmi cauk hna lakah zuar khawh bik ah aa chuah lai ti a hun fiang tiah The Guardian nih a ttial. Mah uk 890000 hi USA le Canada i an zuarmi lawng a si. 2018 i Michelle Obama cauk “Becoming” ni khat chung ah uk 725000 an zuar khawhmi lawng nih a tluk deng ti a si.

Obama's A Promised Land sells almost 890,000 copies on first day | Barack  Obama | The Guardian

Mah cauk cu Obama nih President thimnak i a luh thawk in president a ttuan chung a hmuhton le amah kong a ttialmi a si. Uk khatnak lawng a si i mah ahhin President a caan (term) khatnak a ttuan lio kong a tamdeuh, i uk hnihnak tu cu zeitik a chuah lai theih a si rih lo. Penguin Random House he hnatlaknak an ngei i an nu Michelle Obama he an kong cauk chuah ding ah USD 60 million man min an thut.

ओबामा ने राहुल को बताया नर्वस, गिरिराज सिंह ने कहा- देश में बेइज्जती कम  होने पर विदेश से करवा लेते हैं | When Obama mentioned Rahul in his book A Promised  Land

Bill Clinton “My Life” kha North America ah uk 400000 hi ni khat chung ah an rak zuar khawh i George W Bush “Decision Points” kha uk 220000 an rak zuar ve i atu tiang 3.5 million an zuar. Vawleicung i caan tawite chung ah zuar khawh bikmi cauk cu JK Rowling tialmi Harry Potter a hnubik cauk kha a si le suimilam 24 chung ah 8million an manh.Laimi zong nih cahmai 746 hrawng simi “A Promised Land” hi rel a phu ngai ding a si tiah a cawtu zong an tamngai Laimi milu tuak ah..Foto: Business Insider

A Book For The World: 'A Promised Land' By Barack Obama - Bertelsmann SE &  Co. KGaA

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.