Pakhatnak : Devil’s Kettle {Khuachia Ketli an ti mi asi }: US Ram Minosoto khua an ti mi ahcun Tiva a hme nawm mi pakhat aum, Cu Tiva cu a thianghliam ii Tiva kal hrawng pawl caa zongah hmun nuamtuk asi tiah an chim theo.Cu Tiva cu a luang thluamah i taw lei deuh ahkhin cun hmunhnih ah  an ii then, atang ii hmanthlak hi si lai. Cun hmunhnih ah an ii tthen i pakhat cu a vah luang thluamah ii Tiva a ngan mi pakhat ah avah ii fawnh. Asi nain a dang pakhat hi cu Lungkua chung ah a lut ii khoikaa ahdah a chuak ti mi nihin ni tiang an theih kho ti lo. Scientist pawl zong an khuaruah ahar ngaingai i an ruah mi khoika tal ah Hi Ti hi a chuak hrimhrim lai tiah an zumh caah hi Tiva a lutnak chung ahcun a loo a har ngaingai mi Dye an ti mi tam taktak an rak thlak, asi naincu Dye an thlak mi zong cu khoika hman ah a rak chuak lo. Cu hnu ah a voihnih nak ah Regail{pinpom}an rak thlak tthan cu zong cu khoika hman in a rak chuak lo ii Rili zong ah a rak chuak hlei lo . Hi Tiva hi lungkua chung ah  a lut ii  khoika in ahdah a chuak ti mi nihin ni tiang an theih kho lo.

Pahnih nak : Gates Of Hell{Hellram innkaa an ti mi asi}:1970 ahkhan Turkmenistan i Derweze nan ti mi ahkhan Geology hna nihcun  oil{chiti} kawl in heih tiah khur an coh ii  cu an khur cohnak cu vanchiat ah kan ti lai maw cimthualh i Certual tiang hrawng asi mi khurpi ah ai chuah. A Tanglei ii hmanthlak hi asi lai. Asi nain geology pawl nihcun Gas cu kan duah ahcun a dih colh ko lai tiah an ruat a si nain a ruat ning bantuk si loin Mei cu mit athiam ti lo ii nihin ni tiang a al ii khualtlawng tam taktak nih zoh an duh bik mi hmun ah acang.

 

A pathum nak:The sleeping City Of Kalachi: Kazakhstan ram khualipi cu vawleicung ram khualipi hna lak ah khuaruah har bikmi khualipi asi tiin mi nih theih mi asi.A thanglei  hmanthlak hi asi lai. Hi khuapi a um mi hna nihin buainak pakhat an ngeih . Cucu ruahlo pi in an i hngilh ton ti asi. Hi ti lam an leng lio hna le an i chokvak nak ahhin ruah lopi  in an ii hngilh ton ti asi.Cu ti an um lio ahcun lungfim lo in an um ii thil hmuh mi zong an ngei ti asi.Tuchun ni tian zei ruang ahdah hi thil a cang timi an thei fiang rih lo.

Palinak : The Boiling River{atlok mi Tiva}: Amazon Tupi ngan taktak mi le a kau taktak mi chung ahcun Tiva pakhat kilometer 7 hrawng asau mi a um ti si. Cu Tiva khuaruahhar tuk asi nak cu Tiva ti hi a tlok thluamah ti asi. Hi Tiva hi Saram nih an palh sual ahcun an thi tawn ti asi. Ti hi  99 parcent degree tluk hrawng in a tlok tawn ti asi. Scientist pawl lung a buaiter taktak tu thil pakhat ah acang i a zei ti hman in a sining an theihfiang khawh lo tih ah, a,a,a hihi cu a tang ahhin vawlei a saa taktak mi a um ii siko lai tiah an zumh. Atanglei hmanthlak hi asi lai.

 

Panganak : Nazca Lines timi: 1553 kum lio hrawng ahkhan siangpahrang Partosaradalan ti mi nih a khualtlawng nak lam asuai ning ahcun Peru ram Nazca ramcar  akal nak kong a langhter. Cu ramcar ahcun lam bantuk in  tuah mi tampi a hmuh nak kong zong a chim rih. Cu hnu kum tampi hnu ah vawleicung ah thil khuaruahhar taktak asi mi thil an hmuh hna.Cucu Nazca Lines tiah min anpek ii vangsang taktak  lawng in hmuh khawh mi Milem 100 hrawng a um i ,cu hna lak ahcun Minung Lem, Zawnglem, Ngalem,  tibantuk in an um hna. Hi Milem hna Hi  Centimetre 15 tluk thuk hrawng in cawh mi hna an si ii asau lei hna hi cu Metre 400 in kilometer 1 tluk hrawng asau mi hna an si , hi thil hna hi vanlawng aum hnu lawng ah hmuh mi thil khuaruahhar an si hna. Biahal nak a um mi cu hi ti sawhsawh in hmuh khawh lo mi vansang pipi lawng in hmuh khawh asi mi Milemm hna hi zeitindah khaah lio chan minung hna nih hin an rak ser khawh hnga timi hi asi. Video laknak:Suimilam :Catialtu : Demon Bawi Ceu

 

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

Video :

By Chuncha