Chinram chungah a voikhatnak Vanlawng kan ngeih mi Surbung Airport cu kan theih bantuk in 75 Parsent cu lim a si cang. Nizan tini zongah Vanlawng tum kaai testnak tlamtling in an tuah cang fawn i chinmi nih kan i lawm cio. Chinram chungah Vanlawng tumnak kan ngei cang ve lai tikah rianhma pakhat kan lim bak khia si ko. Atu chan tiluang zoh tikah ngeih a phu bak mi ram hrim kan si awk a si cang. Surbung Airport hmunhma le boruak sining cu zeitluk in dah a dawh i zohcim lo a si. Kan pa pakhat kan bochan bak mi Rev. Dr. Hre Mang nih Surbung Airport pawngkam zoh tikah a that ning kong a tial mi kan hrawm ve hna.

The (upcoming) most beautiful airport in the world 🌎 @ Surbung Airport , Chin State, Burma. I have landed at more than 40 airports around the world, in more than 15 countries, this Surbung Airport could be the most beautiful scenic view, airport in the world.
leitlun mawi bik Airport asi thei: Leitlun airport 40 lenglo ah ka tum dah, Surbung Airport tluk tlangmual kiangkap zoh mawi, Aiport Mawi ka hmu hrih lo. Kawlram sung tuanvo neitu le mipi pawl Pathian in lo thlawsuah sinsin hram seh. Praise God. Catialtu: Hre Mang

Relchap; Vanlawng in kan kua Chin State ah kan tlung kho ve cang lai; 21 Nov. 2016 news pakhat nih a rak langhter cang mi ka van tar chih. Vice President U Henry Van Thio riantuan hram ai thok ka ah, airport tuah dingah kei mah le Japan pa le Khua Lian Kam tiin Falam airport zoh ah kan rak kal i, Falam Upa hna Le Chin State Cozah alu hna he kan rak zoh. cu lio ah cun NLD Center Government nih airport caah ceihhmai a rak um rih loh.

Naypyidaw ah Vice President U Henry Van Thio kan ton pah i, a kan chim mi cu Falam airport cu Cozah nih pehzulh ding in kai zuam cuahmah a kan ti, cu tlawmpal a rauh ah kyats 1 Billions airport caah a thlak cawlh i, Hlawtdaw nih fehter hnu ah rian thok ding a rak si. First airport in Chin State kan ngeih khawh mi ah hin Kan Pu Vice President Henry Van Thio hi philh hrimhrim ding asi loh.


Kawlram a Bawibik minung 4 lakah U Henry Van Thio ai tel caah Kan Chin State thanchonak zei tluk in dah a ran hi philh hlah uh. Vice President Henry Van Thio le Chief Minister Salai Lian Luai biatak tein an ni zuam i an mah term chungah airport an kan tuahpiak mi cungah kan ni lawmtuk Bawipa nih thluachuahnak pe ko hna seh. Catialtu: Peter Ngun Za Cung

By Chuncha