Theihter nak:kan cathlak mi hi laimi nih kan i bochanh ngaimi kan u Zasang Cinzah nih a hmuh nih a tial mi kan lak mi asi. Kan tlangtar bel ahkhin kan beh mi a biafang  aum pah, cu lawngdah ti lo ahcun a Article chung ah kan zuh ii kan beh mi a um loh. CNLD a ttanhtu hna lakah mizeimaw hmurka in a chuak nganmi cu, CNLD a dirpilomi/NLD ttanhtu paoh hi “mimolh, ram dawlo, le miphun dawlo’ ah an chiah hna. An dirpi hi a dikbik tiah an iruah. Politics hi thuk deuh in tuak lo ahcun, ram caah timi zong hi mimal/individual caah a si diam kho. Hi kong hi ttial a phu ko rua tiah tawite in ka von thai hnik lai.

Image may contain: people sitting, table and indoor

Union lei a kal hnga dingmi Pyithu le Amyotha cu lanhtak usihlaw, Chin State Hluttaw kan zoh lai. Chin State ahcun Myone 9 a um. Myone pakhat ah seat 2 cio an um. 1Hakha, #2 Thantlang, #3 Falam, #4 Matu, #5 Tedim, #6 Tonzang, #7 Mindat, #8 Kanpetlet, #9 Paletwah ,A liamcia elections dirhmun zoh tikah Mindat, Kanpetlet le Paletwah ahhin NLD le USDP an tthawnnak hmun a si. Cun, Tedim le Tonzang ahhin ZCD le USDP an tthawnnak a si ve. Cucaah, CNLD an tthawnnak ding hmun cu Falam, Matu le Hakha le Thantlang lawng ahhin a si. Mah Myone 4 ahhin seats 8 a um i, a dih lak tein CNLD nih an la kho lai maw? Tuak cio khawh a si. An lak khawh lai ka zum lo nain, lak bantuk in von tuak rih ko usih.

Image may contain: 1 person, sitting

Chin State NLD nih 2015 lio bantuk in seat 12/majority an hmu kho ti lai lo tiah kan ruah cio. Kan dik cio kho men. Cucaah, party pakhat nih 12 tang ahhin seats an iphaw cio lai. A tam deuh le a tlawm deuh in an si te hna lai. Cucaah, Chin State Hluttaw cu coalition Cozah an si kho. Chief Minister a duhmi paoh, ministers ah a thim khawh hna caah, CNLD chung in MPs an tthathnem pah ko ahcun, CNLD chung zong in minister pakhat cu a thim khawh te men hna lai. Cucaah, mah zawnte hi CNLD pawl nih an hnabei a seinak hmun a si. Hibantuk in hei si sual sehlaw, hypothetically in, a cang khomi cu:

Image may contain: text that says 'CNLD မဲစာရင်းသွားကြည့် ကြပါစို့'

1.Pu No Than Kap cu USDP nih an kianh caah Falam ahhin an tling kho. Matu ahhin USDP nih an kianh ve hna caah, CNLD an tling kho ve. MP 4 an si cang hnga. Mah MPs pali hnu ahhin Hakha le Thantlang nih CNLD vote in MPs dang von chap piak rih hna usihlaw, Pu No Than Kap caah tthutnak serpiak bantuk a si kho ngaimi a si. Zeicatiah, CNLD chung in lutlai cu amah lawng hi aa pemi a si. Cucaah, Pu NSA timeline ah “nan ttannak vialte hi mimal hlawtnak a si kho” tiah ka comment nak kha a si. Cucaah, minung pakhat hlawtnak men ah miphun le ram dawtu rak si hi a fawi ngaimi thil a si. Politics cu views tampi in zoh a herh zungzal.Credit : Zasang Cinzah

Image may contain: 8 people, people standing and outdoor

Thawngpang dang <<Israel le UAE karlak i an i pehtlaihnak hi caansau nawn a si cang ko. Asinain, tutan i a thar in lungtlinnak an tuahti mi belte hi cu Iran ralchanh caah a si. A ruangbik cu, Iran hi a raminnpa pawl caah tihnung a si cang, tiin Israel, UAE le USA nih an hmuh caah a si. UAE khua le ram chungah Israel flag ai thui khawh caah hin Middle East hrawng i Iran a dirhmun a vun deetkhawt khotu karhlannak nganpi a si, tiah Israel ah a ummi Interdisciplinary Center ah saya a tuanmi Meir Javedanefar nih a chim. UAE cungah Iran nih lehrulhnak thalo in a tuah sual ahcun, Middle East ah a ummi Islamic Republic chungtel ram pawl le kan hawile pawl vialte hi an lung a derter hna lai. Hi hna pawl hi Middle East i Iran kar a hlantertu an si i, Iran nih cu ti kar a hlan hi kum 20 leng a si cang, tiah a cheukhat Iran kong a theitu pawl nih an lungretheihnak an langhter.

Israel-U.A.E. Pact Sealed After Months of Furtive Talks Among ...

Hi ruang te ko ah hin, Israel le UAE karlak lungtlintinak an tuahmi kongah Iran nih zeibantuk lehrulhnak hmanh a takin a tuah lo ah a tha deuh ding thil a si, tiin official pakhat nih a chim. Asinain, a ra lai mi zarh tawlpal chungah hin bom puah thawng, drone in asiloah miakpii in i kahnak thawngpang na theih sual ah maw vun lai tuk lai ci, tiin bia a beuh ta ve hna.Israel nih UAE he lungtlintinak an tuahmi i tlaih riangmang in Gulf i Iran ramri tiang ah a lungduh tein zalongtein hmunhma a khuar khawhmi a si. Cu ti thil a si tak sual ah cun, cucu Iran lei nih cun ngiartau ah an relpiak te ko lai, tiin Iran diplomate hlun pakhat nih a chim. 1979 i Islamic revolution (tawhlanzi) hnu khan cun, Iran nih hin Israel hi a ral ah a chiah peng cang i, vawlei mephung (map) in a hloh in hloh lawlaw ding tiangin khua a kan zungzal.

By Chuncha