Electoral College hi hrawh dingin debate an tuah hi kum tamtuk a rau cang. 2016 election ko nih khan a thar in ceihhmainak a chuahter. 2020 Democratic presidential candidates karlak zongah hi kong hi ceih a si cang. Hrawh dingin khuakhaannak hi mipi zong nih an duh ngai ve mi a si ko nain, milu zan chahnak state le a kihriang ah a ummi state pawl ah hi system nih hin Republican pawl hi a thathnemtuk hna caah hrawh lo dingin khua an khaannak hi a si.

US Election 2020 Live News updates: US Presidential Elections 2020 Polls,  Candidates List, Result Date, Latest News

Pupolar vote tu hi hman i Electoral College hi cu hrawh ah a tha ko, tiin a titu American mipi hi 61% an si, tiah Gallup nih a langhter. Asinain, political party lakin a duh le duh lo an um ngai. Democrats lei in 89%, Republican lei in 23% nih hrawh an duh. Hrawh hau taktak hna a si ko ah cun, Constitutional Amendment tuah a hau lai i, House le Senate lakin cheuthum ah cheuhnih nih an hnatlakpi a hauh pinah, states pawl an hnatlakpinak zong laak khawh a hau ta rih lai. Cu ti a si lo hmanh ah, state legislatures vialte lakin cheuthum ah cheuhnih tluk nih Constitutional Convention an tuah a hau ko hnga.

Analysts Predict US Presidential Election Outcome Could Collapse Dollar,  Boost Bitcoin and Gold | News Bitcoin News

Amendment tuah lem lo in Electoral College a hmualngeihnak hi zorter a duhmi zong an um len. Kan state i popular vote a teitu paoh cu Electoral vote kan pek hna lai, tiin a titu hi District of Columbia telhchih in state 16 an um cang. Hi hna dihlak nih an i huummi electoral vote hi 196 bak a si. Electoral vote 270 tiang phaan kho lakin state kip an i electoral vote an fawkkhomh ti khawh hnu lawngah pengkulh (local) cio an law (phung) hi a takin hman khawh ding a si hnga.

The State of Digital Political Advertising in the 2020 US Elections -

A donghnakbik ah, Election he ai pehtlaimi bia buaibai paoh cu Supreme Court ah donghter an si te lai i, phung chirhchan in biachahnak a tuahpiak te hna ding khi a si, tiah Prof. Wehle nih a chim. Phung cirhchan in hi Constitution (Electoral College) remhsiam khawhnak dingah cun chanchung biaceihbawi tuankhawhnak nawl an pekmi minung 5 lawnglawng hi biapi an si, tiah Wehle nih a chim.

Foreign shadows gather over US election - Asia Times

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha