U.S President umnak white house inn rangin Cathluan (Statement) an chuah mi atawi fiannak bik in Kawlram thawngpang kan theih. Ralkap nih nawl ngeih nak an lak i Democracy lutlai hna asi mi State Counselor Aung San Suu Kyi le adang hruaitu hna cu an tleih hna tiah thawng kan theih i U.S National Security Advisor Jake Sullivan nih cun mah bantuk Democracy phung le lam abuar mi cu phung le lam ning tein dan tat nak kan tuah hna lai i daih nak le ahlan ning tein thil asi khawh chungin kan i zuam lai tiah thawng an thanh. Kawlram mi pi hna kan in dir pi ko hna neih-niam tein tiah thawng thanh nak an tuah.

US imposes tougher sanctions against top Myanmar military officials | The  Myanmar Times

Nihin Myanmar ramkomh ah Tatmadaw nih cozah uknak cu a lak tthan taktak cang. Zing suimilam 8:30 Am ah rampi uknak cu General Min Aung Hlaing sin ah ap a si cang tiah ralkap TV a si mi Myawady TV nih a thanh cang.

Myanmar military chief in a political firing line – Asia Times

2020 thimnak ah thimfung firnak le tlamtlin lonak a um ruang ah ramkhel daihnak a hawh ruang ah ramrian cu Tatmadaw nih kan lak tiah Tatmadaw lei nih an thanh cang. A tulio Myanmar ramkomh cozah hruaitu a si mi President U Win Myint le Daw Aung San Suu Kyi telh in, ramkulh ramthen Chief Minister hna zong tlaih an si cang.

White House officials resign after US Capitol violence - The Economic Times

Ralkap nih uknak an lak thawk Vice-President pakhat a si mi U Myint Swe cu caankarlak rampi president ah an thim chung. Ramchung ah kumkhat chung zualral thawng an thanh i, ralkap nih kumkhat chung uknak an i tlaih lai.

Tatmadaw nih an tlaih mi hna chung ah NLD party hruaitu upa hna leng ah ramkhel cawlcang tu zeimawzat an i tel. Sianghngakchia hruaitu hna zong an i tel tiah theih a si. Atu tiang ah NLD chimrelnak nawl ngeitu Monywa U Aung Shin, 88 Sianghngakchia hruaitu Ko Min Ko Naing, Ko Mya Aye, Ba-Ka-Tha hruaitu Min Thwe Thit hna zong an tlaih hna tiah theih a si.

Yangon khuapi chung ah Tatmadaw security pawl tampi an chiah cang hna i, zing suimilam 7:00 am hnu in security an rengh. Yangon International Airport zong luhchuah an phih cang. Ramchung ah internet line le phone line an thah ruang ah ATM in phaisa an chuah kho lo i, mitam pi thinphang le thlalau in an um tiah mithmutu hna nih social media ah an tar. Source: BBC

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.