Cawn nikhatni khan Google nih a ngeihmi YouTube nih SHORTS timi Social Medium pakhat a hun chuahpi i mah Shorts cun Tiktok bantuk in video-tawi tete tuah khawh a si ve lai.  Tiktok cu Tuluk sermi a si i Privacy kong ah a him lo tuk tiah Trump cozah nih phihnak phunphun a tuah i Tuluk he aa rem lomi ram paoh nih Tiktok cu an phih. Tiktok hmangtu tambik ram ah India aa tel i Tuluk ralkap le an ralkap ramri ah an rak buai i India ralkap a thih hnu in Tiktok hi an phih vemi a si.

Online Searches Drop For TikToK, WeChat, ShareIT as India Bans Chinese Apps | India.com

India nih YouTube sermi Shorts cu tu thla chung ah hman khawh ding in a tuah lai i ramkip nih hman khawh ding in hmai thla lei cun an tuah te lai tiah CNN nih a ttial. Trump cozah nih Tiktok a phih i a doh tuk tikah USA i Technology company pawl nih caan ttha hmang in Tiktok zuamcawhtu ser an rak i zuam. Facebook / Instagram, Snapchat le YouTube hi biatak tein a rak i zuamcawhmi an si ve tiah Techcrunch nih a ttial.

PM Modi, Donald Trump to hold delegation level talks today

USA president D. Trump nih Tiktok hi American company pakhat khat nih nan cawk lo a si ahcun September 20. in cun USA ah hman khawh a si ti lai lo tiah a rak chim. TikTok cu Laimi ramkip ummi mino hna nih an hman cuahmahmi a si ve. Myanmar zong Tuluk he an i pehtlaihnak a tthat caah Tiktok cu phih le doh a um rih lo. Tuluk company ByteDance nih a ngeihmi a si i American company Oracles sin ah a zuar lai tiah theih a si. APTrump won't extend deadline for TikTok biz sale in US

Thawngpang dang <<<Bawlung kum an hun thawk cang i France League 1. ah PSG le Marseille an chuih ah an i vel hna i minung panga Redcard an hmu. Cun PSG 0-1 in an sung.Leandro Paredes nih Dario Benedetto a zuan hnawh i a thluk caah Yellowcard pahnih veve nak an hmu i chuah an si. Cu kong an i el hna lio ah PSG hnukham Layvin Kurzawa aa sum kho lo i Kung-fu a hman caah chuah a si ve. Amah he aa nammi Jordan Amavi zong Redcard a hmu ve.Cuti minung pali an chuah hna lio ah cun i sik cu an ngol lo i a thlite in Neymar nih Alvaro Gonzalez cu a tukbakhur ah a thongh. Mah cucu bualupa nih a hmu lo nain VAR an zoh tthan tikah a lang. Cucaah Neymar cu an chuah ve. Journalist nih a ruang an hal i “Racist a si caah ka thonghmi a si, a hmai ah ka thongh lomi kha kaa chir,” tiah Neymar nih a chim.Phaisa liamter lawng si loin caan zeimawzat cu bar (chuihter lo) an si kho, an ceih rih hna lo. VG/ Sport1

Neymar claims he was racially abused by opponent as mass brawl mars PSG-Marseille match | World News | Sky News

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha