USA Chinmi khuasa mi hna nihcun Chin Community Of Indiana (CCI) nih thawngtheihternak an tuahmi hi zulh khawh cio i zuam hram hna uhsih. Khrihfa mi cu nawl a ngaimi nung a ngeimi kan si caah kan Miphun le kan chungkhar kan pumpak himnak caah a si ko i a ho poah nih chim ngai tein le ralrin tein um khawh cio kan in zuam hna lai. Mipi theihternak an tuah mi,,,

Zaangfahnak tein kanmah pumpak le kan pawngkam himnak ding caah CCI kan panh tikah, a tanglei ning hin rak kan zulh piak hram uh. 1. Zangfahnak tein dam lo buin CCI rak lo ding, 2. Na chungkhat silole na umti mi pakhatkhat nih Covid-19 in an zawt sual a si ahcun, CCI ah rak hrim hrim lo ding, 3. Nangmah silole na chungkhat Covid-19 test nan i tuah i, a phi (result) a chuah hlan chung cu CCI ah rak lo dingin kan u nawl hna.

A sikhawh ahcun CCI na rat hlanah phone call hmasa a tha bik tiah mipi theihternak an hung tuah mi a si. CCI riantuantu hna nih mipi kan caah zulh ding thawng a kan thanhmi hi upat an tlak hringhran, Bawipa nih hmailei an riantuannak ah lam hruai ko hna seh. Upatnak he Chin Comunity Of Indiana, Phone: 3173001078 ah pehtlaih khawh a si lai. Mah hi Cathanh an chuahmi chung ca kha an tial ning in kan rak lak chinmi a si.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha