Texas ramtthen sihni le Trump nih Michigan, Georgia, Pennsylvania le a dang biapimi ramtthen pawl i Biden a teimi leet le hnon piak ding in USA biaceihzung sangbik Supreme Court ah taza an cuaimi cu tuni khan an hnon piak tthan hna.

Image may contain: one or more people, crowd and outdoor, text that says '***** PRESIDENT DONALD TRUMP MAKING AMERICA GREAT AGAIN AGAIN! 2020'

December 14. ah ramtthen cio nih Electoral Colleges an chuahpi lai i thimfung an thlak lai. 270 in a cunglei ngeimi nih tei a si ati ah Biden nih 300 leng a ngeih. Mah ni ahhin November 3. vote an pekning tein Electoral Colleges nih thimfung an pek ding a si ko nain ramtthen nih thlahning si loin a dang an pek khawh. Cucu aa bengbai, a um tuk lo. Tutan ah cu bantuk a um i Trump an pek duh ahcun Electoral Vote 30 leng a herh caah a fawi lai lo.

Image may contain: 1 person, standing and outdoor

January 6. ah Congress nih an fehter lai.Supreme Court ahhin Trump nih rian a pekmi biaceibawi pathum an um, le puakua lalah paruk hi conservative, Republican presidents nih rian pekmi an si. Theihternak: Tu zarh chung ah Pennsylvania tazacuainak zong Supreme Court nih an rak hnon piak hna. Mah kha tutan Texas tazacuaimi he kan rak cawh sual. Comment ah nan rak kan remh piak caah kan i lawm.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chuncha News Chief Editor.

By Chuncha

Leave a Reply

Your email address will not be published.