Canada 🇨🇦 le USA 🇺🇸 ramri cu June 21 tiang khar rih dingin nihin ah an thanh. “June 21 pinlei cu thil umtuning zoh in kan ceih tthan te lai” tiah Canadian PM nih a chim.

Tulio hi Canada 🇨🇦 ram ah Scam-call/ online mifir a tam taktak. Cozah sinah Phaisa na pek tthan a hau tbk a phunphun in hlennak a um. Letter/cakuat tein a tlung lomi, telephone in Phaisa halmi paoh cu Scam/mifir an si.

Malaysia 🇲🇾- Pudu Area ah police nih an kalpimi hna chung in Chinmi an itel i, mah kalpimi hna kha thongthlak dingin siloin Covid19 an ngei kho men tiah lunghrinh ruang ah a si. Cucaah, “quarantine” ding in an kalpimi hna an si. Cozah nih thate in an zohkhenh ko hna lai caah thinphang ding a um lo tiah tiah ACR lei hruaitu nih an thanh.

December 2019 lio ah Wuhan khua i Corona Virus an hmuh cang ka te khan, China 🇨🇳 nihcun Wuhan khuapi in China ram khua dang vialte a phih colh dih. Asinain Wuhan khua in Vulei cungpi kalnak/ Wuhan Airport cu a phih duh lo. Cucaah Wuhan khua ah Virus vialte cu, Wuhan Airport in Vawlei cung kakip ah an zuang viar tiah US President nih fakpi China cungah a lungfahnak a phuan.

Covid19 khamnak caah tiah “Hydroxychloroquine” a einak cu Trump nih a phuan. USA 🇺🇸 mipi zong ei cio ko u tiah a forhnak hna a si kho men. Covid19 hi a khamnak si a um rih lo caah “healthcare Workers” pawl zong hi, a duhmi cu, “something is better than nothing” ti phun in “Hydroxychloroquine” hi an dolh cio rua.

USA 🇺🇸 ah Laimi hi Covid19 nih a tlak ngaingai hna. Asinain Laimi caah cun Covid 19 hi zei huaha a silomi ko a lo. Cumpi tluk hmanh ah an rel cio lo. Mahhi, Raifenh Si/ Hydroxychloroquine a ei tuk cia kan si ruang hna ah a si hnga maw?

Asinain, USA 🇺🇸 ahcun Hydroxychloroquine hi side-effects a um tiah an chim i an ttih ngai. Sam a pongter. Rawlka a tthawtter lo. Pawfah, luakchuah tbk a umter pinah lungmit le lungfah zong a chuahter tiah an ruah caah an ei ngam lo.

Credit : Za Sang Cinzah

By Chuncha