Donald Trump le Biden Debate: Zahan zan debate cu an pahnih tein an cian veve, an bia an I tan lengmang caah zohchia ngai in an dih. President Trump cu Hillary Clinton he debate an tuahning kelte a si. Amah le mah zumhnak a ngei. Mi a hip kho deuh. Biden cu a biachim mi a tha ngai nain mah le mah I zumhnak a ngei lo, a biachim ah mi a hip lo, a thaba I a thaw chammi a lo. Trump nih attack a tuah I, Biden nih defense tuah tiah ka hmuhning si. Aho nih a tei tiah ka chim kho lo.

Joe Biden nih President Trump cu miphun thleidannak a ngeimi na si” tiah a puh I, “Will you Shut up Men” ti tiang in a ti. President Trump nih Joe Biden cu law and order le rule of law zei ah na rel lo, a chim zong na chim ngam lo’ US buainak a chuahpi tu cu left wing democrats pawl an si. US khua 40 chungah minung i tuk thahnak le buaibainak a chuah biknak hmun cu democrats pawl nih an ukmi khua an si a ti. Joe Biden nih President Donald Trump chan chungah kan zaw, kan sifak, kan I thencheu” a ti.

President Trump nih President Obama le Biden chan in US ah thencheunak biatak tein a chuak, Biden nih kum 47 chung a tuanmi nak in keimah nih thla 47 chung I ka tuanmi a tam deuh a ti. President Trump income tax kongah Biden nih ngunkhuai na pekmi $750 lawng a si a tiah a chelh I, Trump nih ngunkhuai ka pekmi millions in a si a ti ve, Joe Biden nih rak ka piah tuah a ti I, Trump nih a caan phak in kan piah lai” tiah a chim.

Supreme Court kongah Biden nih November President election result zoh chih in Supreme Court nomination hi kan tuah ding a si tiah a ti, Asinain President Trump nih keimah cu kum 4 caah thimmi ka si caah fehternak caan tampi ka ngei” tiah a leh. President Trump nih mail in vote thlak tihnun ning , Biden fapa nih US ral a simi Russia le China he business deal an tuahmi ah faakpi in a soi. President Trump cu White Supremacist sual na phaw hna lai maw tiah Moderator pa nih a hal I, aho thengte cu dah sual ka phawt hna lai? US I bauinak achuahpi tu cu BLM le Antifa an si tiah a chim. An chimmi tam tuk caah mah vial in si rih seh.

Joe Biden le Kellyanne Conway Buainak: Zahan zan debate ah Joe Biden nih President Trump councilor a rak tuanmi, Kellyanne Conway cu lihchim a puh caah Kellyanne Conway nih Joe Biden cu fak ngai in sual a phawt. Joe Biden nih nizan debate ah a chim chihmi cu, US I buainak le iruuknak a chuahmi hi cu Trump ruangah a si tiah Kellyanne Conway nih a chim tiah a puh. Kellyanne Conway nih Joe Biden cu mi lichim” the Democratic candidate “lied” and added “don’t sniff my hair” tiah a ti.

 

Candace Owens Nih Joe Biden Lichim A Puh: Joe Biden nih US buainak a chuahpi tu cu White Supremacists an si tiah Debate ah President Trump a puhmi cu Conservative Minak minthang Candance Owens nih lih lawngte a si tiah a chim. US I buainak, dawr bauh le inn khangh viale a chuahnak cu BLM le Antifa ruangah an si ko tiah a chim. US mipi nih hodah buainak a chuahpi tu ti an hngalh dih. BLM le Antifa an si. Zeiruangah moderator nih Joe Biden nih BLM le Antifa hi sual na phaw hna lai maw tiah a hal ve ding a si tiah a chim.

Black Democrats Rep Bernadine Kent Nih Trump A Dirkamh: Ohio House Representative Bernadine Kent nih Joe Biden nak in Donald Trump ka dirpi lai tiah official tein a chim. Joe Biden nak in Trump nih minak kan caah rian tam deuh a tuan tiah a chim. Trump chan ah Minak pawl fimthimnak sang deuh kan cawng kho, rian ngei lo kan tlawm deuh fawn tiah a chim. Biden nih minak taktak na si ahcun Democrats na vote lai tiah a chimmi hrimhrim hi minak zei ah a kan rel lo a tiah a chim.

Stimulus Check $1200: Tuchun ah House Speaker Nancy Pelosi le White house Treasury Secretary Mnuchin cu Capital hill ah US cozah bawmhnak kong ceihhmainak an ngei. Tuchun I kap hnih lungtlinnak an ngeih khawh ahcun a rauh hlan ah cozah bawmhnak minung pakhat $1200 kha pek colh khawh a si lai tiah an chim. By Salai Lairamthang

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha