US kong cu a biapi taktak ve caah a buai taktak ve ko. Abik in Laimi ko hi kanmah tawk cio in kan rak buai taktak ve. Donald Trump a tanhtu minung pawl hi zumtu tha a ti bak mi lawngte nan si nain a taktak le a ngaingai ah sunghnak nan phak tikah a tuar thiam lo mi tamtuk kan um beltu hi cu zumhnak puitling a ti mi cu kan si ruam lo ko hih. Fb catial le comment kan i pekmi ah kan lungput sining ziaza tiang a lang dih mi hi cu zumtu tha a ti ngam mi ruah ding tam ngai kan si hna.

Joe Biden calls for new stimulus package to recover from COVID-19 pandemic

Minung hi kan ruahmi le kan tanh cang mi thil kongah hnu hmai kan zoh thiam lo ahcun mah nunnak tiang tuar a har caah thil tha lo a chuah ter khawh ti hi kan ruah ah a tha ngai. US ram pi cu nanmah US ram ca long a si lo, Vawlei pi kan caah a biapi tuk mi a si tikah mipi nih zalak in vote nan thlak i a tling mi kha Bawipa nih nan caah a remruat, a khanmi a si ko ti hi kan cohlan thiam ngaingai a herh i, kan thinlung ruahnak le hmailei atlingmi pa nih kan duh bikmi lam a kan kal pi khawhnak lai tu hi thla kan cam piak ve ding khi a si cang. I elcaan le a tling lo mi pi khi ruahchannak a ngei bantuk in au ve ti len ding khi a si ti lo.

Zumtu kan si hna caah kan ruahnak pi in mi pakhat a zumhnak kha Setan hmuh in bia chim zong hi iralrin tuah hna uhsih. nangmah na tanh mi long kha Pathian a ngei i a zumh mi lawng a si ti bantuk kan catial pawl hi cu kan caah tih a nung ngai mi a si. minung i tah ning ahcun a ho hmanh hi vawlei pi ah a tling mi pakhat hmanh kan um lai lo, a tling mi cu kan Pathian lawng a si. Cu caah Laimi Khrihfa a ti mi le a bik in US ah khuasa mi hna hi tluk in US mipi nih an duh i, vote an pek ve mi President a tling cang mi Joe Biden le hruaitu vialte caah hin zumh ngamnak he thlacam tu bawm cang hna uhsih.

Joe Biden hi minung tha, tangdor nung a ngei mi le mi zawn a ruat i, sifah santlai lo a dawtu dakaw a si cuh, kan caah rian a tuan hnga ding mi hi kan i lawm ve thiam pi hi kan rian cio a si ko cang. Pathian caah cun tuah khawh lo mi zeihmanh a ngei lo i, US rampi ca le Vawlei pi caah lam hruaitu tha bik lam a kan hmuh saktu a si hrim ko lai ti mi hi zumh ko hna uhsih. kan duh maw duh lo maw kum 4 chung cu amah nih a tha bik in a kan hruai cang lai caah a caah dirkamh tu si i zuam hram hna uhsih. zultu tha na si ahcun cucu zumtu tha cu na si. nawlngeitu hnu na zulh khawh lo na zulh duh lo ahcun cu cu zumtu tha lo nawl a ngai lo mi cu na si ko lai.

Atu ah kan hnu 5 January 2021 i Joe Biden nih a rak chim cang mi Georgia ah teinak kan hmuh ahcun, a voithumnak stimulus check a ra than lai cawlh lai tiah a ti. A ho poah i nuam ko hna uhish. Hi zong hi Covid-19 nih US tamtuk a hnuarsuang cang caah anai $600 cio kha cu a za lo, Atu cu US ram ah a um mi poah $2000 cio arauhhlan ah pek nan si lai tiah Biden nih a timeline ah atial. Kan U Van Tum nih mah hi a tialmi tawite kan rak langh ter chih: Nan uar tuk lo maw kan Pu biachim hi. Amah a chim ning tein news pakhat ah comment ka rak pek bel cang, mirang in. Kha i ngaih ko uh a rauh hlan ah a ra lai hi.

Rev. Dr. Hai Vung Lian a dam tuk cang: Senior Pastor thawng thar: ECBC khrifabu hna, tu zanlei ah Church Chairman he Hannah Nu sinah kan kal le kan senior Pastor video zoom in kan va chawn. Tha tein a mit a au i a kan zoh. Kan i hmuhka ahcun amah zong a ngaih a chia kanmah zong kan ngaih a chia. Pastor kan in ngai tuk cang, khrifabu nih an in ngai tuk cang ti lawng kan chim khawh.

Kan van i hrim deuh hnu ah biaza za kan ruah. Bia kan chim mi a dihlak in a theih dih. A lu a suk, a kut in a hmai a van tongh lengmang. Atu le atu a ngaih a chia. A kan zoh ah a celh bak ve loh. Kan si khawh tawk tein lomhnak bia kan ruah, thazaang kan pek. Kan lung duh bia kan ruah dih hnuah donghnak bia kan van chim le a kut a van thlir le bye bye a kan tuah.

Siaherh bu tein kan lawitak. Hi dirhmun a phaktertu kan Pathian min thangthat si ko seh. Nan thlacamnak Bawipa nih an ngaihpiak ko hna. Tuan teah pulpit ah a dir than khawh nak hnga fak piin thla cam ko rih hna usih. Credit: Richard Ngun Lian

By Chuncha

Leave a Reply

Your email address will not be published.