US ummi caah cun Social Security benefit hi a biapi ngaingai mi a si. Asinain aho nih mah kong hi an tial le an chim ka hngal bal lo. US ah riantuan mi poah nih cun, retirement laak tik ah siseh, riantuan khawh ti lo ding dirhmun kan phak tik ah siseh,, na khawnden ruangah I, rian na tuan khawh lo tik ah siseh, kum 65 na si hnu i na ngamdamnak na zohkhenhnak caah Medicare caah siseh, pakhat khat ruang I, riantuan khawh lo ruangah siseh, kum 65 le thla 8 a si cangmi hna nih retirement caah an hmuhmi benefit pawl an si. Mah chungah retirement benefit, disability, medicare,survivors le supplement security income an i tel.

Image may contain: text that says "How are Social Security SOCIAL Securing today benefits earned? ATON and tomorrow Work Credits Your work history directly impacts history your your future benefits 40 Credits $1,300= credit you can earn a maximum of needed in covered Retirement and earnings 4 credits Medicare benefits ayear ocialSecurity Administration SocialSecurity.go"

Social Security benefit hmuhnak dingah cun work credit 40 ngeih a hau. Buaktlak in Full time in riantuanmi hna nih kum khat chung an riantuanmi kha four credit in tuak piak a si. Cuaah kum 10 chung full time in riantuanmi hna nih Social Security benefit hi hmuh khawhmi a si. Social Security benefit hi kum 62 na tlin in cun ngah khawh a si. Asinain Kum 66 na si I, Full retirement na laak ahcun 25% tam deuh na ngah lai. Early retirement na lak ahcun na hmuhmi a tlawm deuh lai tinak a si. Bianabia ah, Kum 70 na si I, retirement na laak ahcun thla khat ah $3770 na ngah hnga. Asinain kum 66 retirement na laak ahcun $2861 na hmuh lai I, kum 62 na si retirement na laak ahcun $2209 lawng na ngah lai. Phaisa na hmuhmi a tlawm le a tam cu, rian na rak tuan lio I, na ngahmi phaisa le tuan le tlai I, retirement na laak nih bia a chim te lai. Retirement kum hi na chuah kum nih a ngeih lai caah kum 65, 66, 67 ti in a dang khomi a si.

U.S. Factory Workers Make 76 Times More Per Hour Than Workers In ...

Cucaah social security benefit tling tein ngah na duh ahcun a tlawm bik kum 10 tal cu full time in riantuan I zuam ding, ngunkhuai le tax tha tein pek ding. Riantuan loin na um I, work credit 40 na hmuh lo ahcun na kum upat tik ah social security benefit vialte ngah lo khawh a si. Atu lio na riantuan mi nih khan hmailei na taar tik ah bia faakpi in a chim te lai. Cucaah atu tein planning tha tein ngeih a hau. Na kum no lio ah rian felfai tein tuan I zuam. Cozah sin ah social security thawhbur tha tein pek I zuam. Atu ka tialmi hi a tawifiannak in tlamling lopi in tialmi a si. Hmailei ah tlamtling deuh in pehzulh khawh kan i zuam te lai.Credit:Salai Lairamthang

Image may contain: text that says "How are Social Security SOCIAL Securing today benefits earned? ATON and tomorrow Work Credits Your work history directly impacts history your your future benefits 40 Credits $1,300= credit you can earn a maximum of needed in covered Retirement and earnings 4 credits Medicare benefits ayear ocialSecurity Administration SocialSecurity.go"

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha