Theihter nak:Hi kong hi thei a herh ngai  ko ruah tiah zumhnak ka ngeih        caah ka rak tar mi asi.A theih ko mi le a hngalh ko mi tampi hna lak ah a hngalh ve rih lo i a theih ve rihlo mi kan um sual pinpang ahcun tiah serherh nak he kan share.

Ramdang pehtlaihnak ah Republican cu Democratic nak in thazang a chuah deuhmi party an si. Republican party cu ramdang buaibainak kongah a herh ahcun ralkap thazang hman in tuk a duhmi an si. Asinain Democratic party nih cun limited lawng in ralkap thazang hman an duh. Ramdang I zatlak puicimhnak le kokek harnak bawmhnak ahcun an ruahnak a khatmi an si. Donald Trump nih Obama nih Iran he nuclear deal an rak tuahmi cu ka hrawh lai tiah election campaign lio a rak chim. Obama nih Iran he nuclear deal tuahnak caah cash in US$ 500 million an pek hna pin ah US $ billion 100 in 200 kar lak hi Iran nih a co dingmi a si lai tiah zumh a si. Iran cu vawleicung muslim ralhrang phaisa le hriamnam tam bik a bawmtu an si.

Poll: 3 in 4 Americans back requiring wearing masks

US nih NATO ah kum khat ah US$ Billion 650 a thawhmi le a liam mi kongah NATO chungtel vialte nih an thawhvo tha tein an thawh a hau, an thawh lo ahcun bawmhnak kan thumh lai tiah Donald Trump nih a rak chim fawm. North Korea ral vennak caah US nih Japan le South Korea ram caah kum khat ah US$ billion 866 renglo kan hmanmi zong anmah nih an thawh ve a hau, an thawh duh lo ahcun bawmhnak kan thumh lai, a herh ahcun anmah tein nuclear hriamnam I ser in an I ven a hau tiah President Donald Trump nih a rak chim.

Trump Gives Masks His Strongest Endorsement Yet After Downplaying ...

Obama chan ah Israel le US pehtlainak hi a chia bik caan a phan. Donald Trump nih election campaign lio ah bia a kamhmi hna cu US embassy cu Tel Vic in Jerusalem ah ka thial lai ti a si.Cu a biakam cu a tak in a tlingter colh fawm. Jerusalem khua cu Palestine le Israel hna nih chan tampi chung an I cuhmi khualipi a rak si. Donald Trump nih muslim ralhrang ISIS pawl cu an ci kan hmih dih hna lai tiah election campaign lio ah a rak chim. Cu a biakam bantuk thiamthiam cun a tuah taktak fawm .Cu caah cun Ramdang mi a daw khawh tu party cu Republican party pawl ansi. Democrate party zong cu ramdang mi kan dawt lai lo an ti loh an dawt lai lo tinak zong asi fawmlo, Asinain limit{Azat} an ngeih sual ahcun khakha ramdang mi ca ahcun apoi ngai mi asi.Limit an ngeih ti duhnak sullam cu Mi thleidang nak an ngeih tinak khi asi ko.

A push against Donald Trump': Why some older women are turning ...

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si.

US Election: Biden and Trump Matchup Tightens as Enthusiasm Hits ...

Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim. Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

Trump campaign raises $61 mn in April, Biden $ 60 mn amidst COVID ...

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha