US thimnak result nan zoh tik ah state 50 ning in zoh a hau lai lo. A tanglei state 7 result nih bia a khiah lai. Mah state 7 hi swing state tiah an auhmi hna a si. Mi zei party dah an vote lai timi le ahodah an vote lai timi chim khawh lomi state an si. Mah state 7 ah hin electoral college vote total 114 a um.

Trump to resume campaign rallies in Tulsa on June 19

Mah state le electoral college vote 114 hi special in an i cuhmi cu a si. Mah state lawng ah hin President Trump le Joe Biden atu le atu kal in election campaign an tuah nan hmuh hna lai. Arizona:6 Florida: 29,Michigan: 16, North Carolina: 15, Pennsylvania: 20 ,Wisconsin: 10 ,Ohio: 18. A dang state cu Democratic party le Republican party nih an tei lai tiah 100% ah 100% tei cia bantuk in ruahmi an si cang. Red state le Blue state an ti hna.

Votes and Vitality in Mind, Trump Addresses Rally in Florida - The New York  Times

Bianabia ah California cu Democrat ta asi caah President Trump nih election campaign tuah a hau lo. Cu bantuk in Texas cu Republican ram a si caah Joe Biden nih election campaign tuah a hau ti lo. Laimi kan tam biknak Indiana state zong Republican party ram a si caah zei party hmanh nih election campaign tuah a hau ti lo. Swing state timi cu aho party lei hmanh ah a tang lo i, zei party nih a tei lai timi chim chung khawh lomi state an si. Cucaah mah state ah a ummi hna nan vote cu a biapi tuk.

Biden campaign to Sanders supporters: 'We'd love to have you' - POLITICO

President hlun, George W. Bush le Al Gore president an rak i cuh lio ah Florida state ah George W. Bush nih Al Gore cu thimfung 537 lawng in a rak tei caah Florida electoral college vote 29 cu Bush nih a laak dih caah a tei. President tlinnak caah electoral college vote 270 ngah a herh. State pakhat i vote tambik a teimi paoh nih state electoral vote a laak dih lai. “Winner-take-all” ti zongah an auh. Cacawn ni hnih ni Tuesday President thimnak result nan zoh tik ah a cunglei ka taar mi state 7 result lawng zoh ding a si lai. A dang cu rel cia le tei cia bantuk ah ruahmi an si.

Warning signs flash for Trump in Wisconsin as pandemic response fuels  disapproval

Thawngpang dang >>> Former President Barack Obama nih Orlando, Florida ah Democratic ticket Joe Biden le Kamala Harris caah he tiah campaign a tuah. President Trump cu fakpi in a vun phomh i, Media pawl nih Coronavirus kongah an ttial tamtuk mi Trump nih a soisel mi hna cu, Barack Obama nih Trump fakpi in a phomh. Obama nih Trump cu, “Zia Trump nih hin mah bantuk in Media nih Covid kongah an tial mi ah a vun soisel hna, US mipi nih Covid an buaipi lai i Covid thawngpang thei an duh lai cu tiah fakpi in a vun soisel.

Obama nih Trump cu Tax a pek bal lo mi a si tiah a soisel than. Mah bantuk in Obama nih President Trump a vun soisel caah Trump nih ceilak in Obama cu aleh ve.Obama cu mi um lonak ah bia kha chim saw saw ko hna seh. Biden cu teitu a si lai lo tiah a zum kho lo caah a duh lo bu in endorse a tuah mi a si ko, a bia chim mi hi lakding a um lo, fake lawngte si.Obama nih Joe Biden caah Campaign a tuahnak ah mipi hmuh ding zong a um lo. Joe Biden le Obama cu US mipi nih an duh hna lo, an campaign tuahnak ah mi hmuh ding an cum lo khat tiah ceilak in aphomh than hna. RTK

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha

Leave a Reply

Your email address will not be published.