Sept 29: U.S. Presidential Debate: Trump Vs. Biden: Nizan U.S. Presidential Debate ka zoh. Ramdang nih zeitindah an kan ruah hnga, ka ti. Nithaizing BBC News ka vun zoh. Atanglei hi an hmuhning ka rel: Uk, France, Germany, Italy, Russia, China, le India. Ttanh ngei lo Commission on Presidential Debates hruainak in tuahmi a si. Fox News Sunday Anchor Chris Wallace nih Moderator a ttuan.

Zulhphung an sermi lakah pakhat cu: 2 minutes bia chim lio ah hnahnawhnak tuah lo ding (no interruption) ti a si. Hi hi President nih a zulh loning a zual. Moderator zong a ba ngai lai dah. Oct 7 ah Vice Presidential Debate an tuah lai: Mike Pence le Kamala Harris. VP Pence cu President bantuk a si lai lo, ka ruah tikah thinlung tha a dam deuh ngai. Presidential debate: How the world’s media reacted: Credit: Pu Zo Tum Hmung

Tutang an Debate ah Moderator wallance biahalnak hi ai phungdang ngaingai ko. Aruang cu kamkhat lei biahalnak deuh phung in ai kalh pi ii,Trump siseh Biden siseh Mifim pasalttha veve an si tih ah Moderator biahal aa aww- ang in an ii fiang colh. Biden nih keimah lei kap in aum deuh ti ai fiang colh bantuk in adonnak lei kap ahcun Trump zong nih Moderator nih Biden Bialehnak caan peknak hngak duh lo bak in Biden Bia  nonhnoh aitimh. Asi nain Tuzan cu Biden zong voidang nak in  politician experience ngei a sinak a lang ve.

Trump nih fawi tein A nonhnoh kho ve bak loh. Arau hlan ah Trump nih Twitter in maw facebook in dahfak ngai in Wallance hi a phomh te lai ti zumh cio asi. Biahalnak pa6 hrawng akal pi in cu chung ahcun Tu US boruak ii atlung mi athat lo nak poahpoah kha lak ruangmang in biahalnak atuah hna. Cu tih ah Biden nih Trump cu a tuk bak in a tuk ko , cheukhat cu Biden nih Moderator Chris Wallace biahalnak lila kha ai rinh. Biden nih voikhat cu Wallance kha na biahalnak ah pei na point cang cu chim hau ti loh, na chim mi kha asi ko ati deih, hi nihin fiang taktak in alanghter mi cu Wallance nihin trump tluk a duhnak alang bak tiah ruah asi. Nain Tu cu avoikhatnak lawng asi rih, Voihnih tang rih ko.

Biden caah atu lio US dirhmun tha lo paoh a char i Trump tuknak ah a hmanter.Trump nih Biden chambaunak a char poah ah Moderator a thahpiak leng. Tu zan Biden hi politician experience ngei a sinak a lang ve. Moderator pa kha an rak merhpiak cang caah maw a hnangam le si hnga ka thei lo. Trump nih bia in nonnok a timh tawn nain i a ti kho lo. A vaivuan kho bak ve lo. Twitter in Wallace a von phomh colh lai.An bia ka ngaihmi hna chungin ka hmuhning tawi si.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha