Virus hnu i China nih a economy a on than hi thla 3 te lawng a si rih ko nain, virus lio i a sunghmi vialte a vun phihkhar khawh than dih cang. Virus ruang i a ramdang chawleh hawi pawl an i lockdown lio caan karah anih nih cun a economy a thanter lehcam. August i exports a tuahmi hi kum detka hrawng nakin 9.5% tluk a kai manh i, March 2019 rii in a kai a rangbik a si, tiah Monday khan thawng an thanh. July ah khan cun 7.2% lawng a kai caah, mifimthiam pawl nih an zawndamhmi nak cak deuh lehlam in a kaiter, tiin theih a si.

How the Cold War Between China and U.S. Is Intensifying - The New York Times

Asinain, a import belte cu 2.1% tiang tanglei ah a tla ve. July ah khan cun 1.4% tiang lawng a tla. Export cak ngaiin an kalpi khawh ruangah China nih virus ruang i a sunghmi a economy an vun phihkhar thannak dingah dirhmun tha ngai a si ko. China nih a tuahmi exports hi zapi nih an zumhning nak cak deuh le, global trade nak cakdeuh hmanh in a tli cang i, global market share tiangin a co khawh cang, tiah Louis Kuijs of Exford Economics nih a chim. China sinin thil le ri cawk a duhmi ramdang pawl i hrim hram an i thok cuahmah ve cang bangin, tu kum August in cun China exports hi a thangchotuk hringhran. Business an duhmi thim khawh dirhmun an phaak mi ko mi nih hin an thilri chuahnak a thathnemtuk hna i, kum 10 chungah a miak tambik hmuh phah dawh an si cang.

Sii lei duhhermi le electronic thilri a phurtu tilawng pawl an khualtlawn a tam chinchin cang caah, China export i a thazaang hi global slowdown zong nih hnursuan khawh dawhdang in a um ti lo, tiah mifimthiam pawl nih an chim. Ni kum i faktuk in an economy a tumchuk ruangah tutan i cak taktak in an export an kalpi khawhmi hi a si, tin micheu nih ralrinpeknak bia an chim. Import belte cu a tumchuk ko rih, a ruang cu, ram chungmi nih thilri an cawk ngamtuk rih lo le a si. Asinain, import hi a tam rup in nincan lei a panh ciahmah ko, tiah Julian Evans-Pritchard of Capital Economics nih a chim.

China, US should avoid 'cold war' - Chinadaily.com.cn

Credit growth hi a kai ciahmah ko i, cun ram chung lam le suul, inn le lo an saknak thazaang zong duhsah in a thang ciahmah ko i, a ra lai mi thla hnihthum ah cun kan import pawl zong hi an thawng than chom te ding khi a si ko, tiin a chim.Kan hnung thla i a kai lei a panhnak dirhmun in khan daar (copper) an chuahmi hi August in cun ai din, a kai ti lo. A ruang cu, virus hnu in khan ramdang in a lutmi thir vialte an phih piin ah, ramchung zongin a cahtu an zor ngaingai caah a si. Lungmeihol import kan hnung thla lion akin 20.8% tiangin a tla vurmar. Khangh rih lo mi thir import zong July thla lion akin 10.9% tiang a tla ve. Asinain, ni kum lion akin cun tlawmte cu a sang deuh thiamthiam ko rih. Kan hnung thla ah khan cawhlehnak a miak an hmuhmi hi $58.93 billion a phan i, July lio ah khan cun $62.33 billion a miak an hmuh i, August ah hin cun $50.50 billion lawng a si cang theu lai, tiin an ruah ko nain, a kai lehlam.

Buaktlakin conh belte ah cun thilsining ai fiang kho tuk rih lo Virus nih a chawleh ramdanghawi pawl hi zeitik tiang a den rih hna lai, ti zawndamh khawh a si rih lo caah hin, a chawlehnak a sining zong hi buaktlakin chimchungnak vun tuah awk a tha rih lo tluk a si. US nih a hrocer hna, virus nih a chawleh ramdanghawi pawl a den ve hna caah, ramdang bochan in a economy thanchoter hi ai tim ngam lem lo. US president thimnak hlan ah US-China buainak hi a ziik a phan te kho mi a si. February lio i US he hnatlaknak an tuahmi ningtein tutiang ko ah cun China nih US thilri tampi cawk ai tim ko rih. August chung i chawlehnak in China nih a miak a hmuhmi nih US hi $34.24 billion tlukin a hleih cang i, July ah khan cun $32.46 billion in a hleih.

U.S. and China to Finally Sign a Trade War Truce, Trump Says | Fortune

Kan hnung thla ah khan, Trade deal dalkhatnak tuah dingin US le China top trade official pawl phone chungin hnatlaknak an tuah than cang. Kaphnih ningin thathnemnak an hmuh caah, tutan lungtlinnak an tuah chapmi zong hlawhtlinak a um khawh nakhnga thazaang kan chuahti lai, tiah US Trade Representative’s office nih a chim. August chung i China import a tlak khunnak a ruangbik cu, Chese technology company pawl he business a tuahmi US company pawl a thar in an rengh (restrict) hna caah a si, tiin Iris Pang, chief economist for Greater China at ING nih a chim. A ralaimi thla hnihthum chung zongah hin a tu bantuk i khat le khat kan i ngiartaunak ruangah hin technological prodects export tuahnak rian hi hnursuan a si ngai ko rih lai, tiah Pang nih a chim.

By Chuncha