Burma ramkomh chung ah ralkap nih uknak an lak mi kong ah US Presdient Joe Biden a mah pumpak nih cathanh he bia a chim cang. A biachim mi tling cu a tanglei ahhin CBN nih kan rak leh.

Biden plans move into White House as Trump clings to hope

Burma ramkomh chung ah Ralkap nih ukna kan lak mi, Daw Aung San Suu Kyi an tlaih mi le civil minung an tlaih mi hna hi democracy thlenremhnak ca ah siseh, phungzulhnak ca ah siseh direct in a hnursuang tu a si. Democracy uknak tang ah hramhram in mipi duhnak tel lo in hrawhnak siseh, mi tam-u nih zumh mi hrawh ding a si lo.

Biden Takes Arizona, Cementing Presidential Win Despite Trump's Refusal to  Concede | Top News | US News

Burma ramkomh mi hna nih thimnak tuah khawhnak le mipi nih rampi uknak le remdai tein uknak i pekchanhnak ca ah kumhra bu chung ah dingtluang tein an rak i zuam. Hi an i zuamnak hna hi theihpi awk an si.

Ralkap nih uknak an lak mi hi a rannak in an thlahnak hnga siseh, tlaih a tong mi civil minung hna cung ah hramhram in thiltuah mi hi mak hrimhrim dingca ah tiah vawleicung ramkip cozah hna nih pressure pek ding a si lai. A tubantuk harnak le ton chung ah Burma ramkomh mi hna he a dirpi tu hna an dihlak cu US cozah nih record ah kan chiah cang.

Democracy thawnnak le phunglam nih uknak leng ah democracy thlenremhnak ca ah hnulei kir a timtu tuanvo ngeitu hna cu hmalak nak ca ah vawleicung ramkip sin ah forhfialnak kan zuampiak hna lai. US rampi cu Burma ramkomh nih phihkharnak a rak tuah mi hna cu a hlan kumhra chung ah rampi hunpiak an si. Asinain, a tu ah cun phihkhar than ding in kan tuah cang. A herh tiang in hmalak nak kan tuah than cang lai. Democracy ti mi cu khoika hmunhma hmanh ah hnahnawh a ton ahcun US ram nih kan dirpi lai. Source: BBC

Rechih:: Hakha ah Pu Hrang Cung le Pu No Hnin inn a kaang, minung 6 an thi.2021 February 2, zinglei 5:40 tluk ah Hakha Dillo Sang um, Zokhua khuami Pu Hrang Cung le Thantlang Peng Hriphi khuami, Hakha um, Pu No Hnin inn a kaang, Pu Hrang Cung fale 5 le a nau fa 1 an thi.

Hi kong ah inn ngeitu Pu Hrang Cung nih, “Voidang tawn ahcun zinglei suimilaam 3:00 ah hin ka tho i rawl ka chuan dih tawn. Zahan cun ka mitkuh a thaw tuk i kaa hlau kho lo. Kan uicote a bao tuk i kaa hlau. Ka vun i hlauh ahcun meikhu kaa haak cang. Tho zokzok u, tiah ka au i kan nu cu a tho manh. Thlalangawng ka bauh i ka fale pahnih cu ka hlonh (leng ah chuah) manh hna. Kan nu he kan zaam manh ceo khi a si. Ka naufa Samuel zong aa tel. Ka fapa Amon Bawi Chit Htoo hi kan hnuleite ah motor nih a pah i a ke kiah ca ah a zaam manh ve lo. Zeitin mei kangh aa thok ning zong ka fiang kholo,” tiah The Hakha Times ah a chim.

Hi kong ah Hakha Meithat Zung lutlai Pu Thian Nuam Maung kan pehtlaih nain aa manh lo tuk ca ah thilri zeizat man dah a ciam ti zong hngalh khawh a si rih lo. Innpa Pu No Hnin inn pakhat zong a ciam ve nain innhlaang hi Lo ah a riah kar a si ca ah annih chung cu an luat. Pu No Hnin inn hi inn hnih a si i inn khat cu a ciam dih. Anmah chungkhar umnak inn tu cu a him.

A thi mi hna hi kan theih tawk ah; Par Tha Hlei, Ngun Sui Par, Amon Bawi Chit Htoo, Ngun Cin Hniang, Ngun Tha Len, le Samuel an si, tiah kan theih.Credit:The Hakha Times

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.