Tuan i bawmhnak 1,200 kan rak hmuh ciami bantuk bawmhnak kha sau nawnte kan i ngaih i kan hngah bang in August thla ah an phawtzamh cang lai. An lung a tling dih cang. Mah kongah atu news tampi nih an ttial lengmang. Keizong ka theih tawk tein comment tam ngai, a phun2 ka pek ve.

Zarhtin te riannei lomi caah bawmhnak an pekmi cu Republican pawl an duh bak ti lo. Rianttuan huam lonak a neihter hna an ti. Nan Democratic party nih cun mah bawmhnak zarhtin te cu sauh rih ding si ko an ti ve. A cheu nih amount azat tthum deuh ding a timi zong an um ve. Mah zarhtin te bawmhnak 600 cu atu July in a dih ruangmang cang lai. Laimi rian a ttuan lo i mah bawmhnak tampi a ngahmi an um len ve.

News tampi zongnih an ttial lengmangmi cu rian ka ttuan lio i ka lahkhahnak in ttuan loin atu bawmhnak ka ngahmi hi a tamdeuh a timi an tamtuk ti hi a si. Federal bawmhnak zarhtin cu July in a dih cang lai nan state bawmhnak belte cu a um rih ko lai. Ka palhmi a um kho men. Credit: Van Tum

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si. 

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha