President Donald Trump cu Marble Collegiate Church i Presbyterian khrihfabu chungtel pakhat a si. “ Ka uar bikmi cauk cu bible a si” tiah Trump nih interview pakhat ah a chim. Pathian zeitluk in a zumh le zumh lo ka hngal lo, a pianthar le thar lo zong ka hngal lo. Bible ca a rel le rel lo zong ka hngal lo. Keimah hngalh khawhmi zong si lo. Hngalh zong kan rian a si lo.

Commentary: What happened to U.S. evangelicals? In early America ...

Ahohmanh nih nan hngal cio lai lo, a hngaltu cu amah le Pathian lawng an si. Asinain fiang tein ka hngalh khawhmi le ka chim ngammi cu US khrihfa hna a dirkamhnak tampi hmuh khawh a si. A tuah sernak hrimhrim in a langhter. President a si hlan, election campaign a tuah lio ah khrihfa hna an zumhnak ka dirpi lai. an zumhnak ruangah serhsetnak le harnak an ton lonak dingah ka zuam lai” tiah a chim i, President a tlin taktak tik ah a chimning bantuk tein a tuah taktak.

Evangelical leaders gather to pray for Trump at White House ...

US Khrihfa Hna Nih Zeitindah Donald Trump An Bawmh
Obama chan ah Khrihfa cheukhat cu biaceihzung ah an zumhnak ruangah, sertsatnak le zeire lonak tete an ton caah khihfa tampi cu an lung a faak. Obama cu globalist pakhat a si. Pathian a tih lomi liberal pakhat zong a si. Khrihfa sinak le nuhrim covo a paih caan poah ah human rights lei peng ah a ttang. Khrifa zumhnak zei ah a rel lo, khrih muisam a kengmi le khrihfa muicaungmi poah duhsah tein hrawh a zuam. Khrihfa hna zumhnak tampi a filter. Mah ruangah US Evangelist minthang bik, Billy Graham fapa, Franklin Graham hruainak in US khrihfa zumtu hna nih Donald Trump caah US state 50 ah kum khat chung khual an tlawng I, president thimnak ah teinak a hmuh khawhnak ding caah thlacamnak le election campaign in an bawmh.

He was sent to us': at church rally, evangelicals worship God and ...

Khrihfa tampi tthanghphawhnak a um caah khrihfa tampi nih 2016 November thla US election ah Donald Trump cu thimfung an bungh hnawh. President thimnak ah thimfung a thla bal lomi khrihfa tampi thimfung thlak ah an chuak I, Donald Trump cu thimfung an pek I, President zong a tling tatkak. Rev. Franklin nih a chimmi cu, “ Kapa, Billy Graham nih Donald Trump caah thla a cam piak I, thimfung zong a thlak tiah a chim. Khrihfa tampi nih Pathian thimmi a si tiah an zumh. US ramdang vuanci Mike Pompeo zong nih Pathian thimmi a si tiah a chim bal.

Trump and his evangelical base are hypocrites to celebrate a ...

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha